Login to your account

Username *
Password *
Remember Me

World Vizion Konsidera Difisiénsia Talentu A’as Liu Kompara ho Ema Normál

Koordenadór WVTL filial Munisípiu Baukau, Mauricio Gusmão ko’alia hela ba media sira iha salaun uma dame Baukau, tersa (09/11). Koordenadór WVTL filial Munisípiu Baukau, Mauricio Gusmão ko’alia hela ba media sira iha salaun uma dame Baukau, tersa (09/11). Foto Tomas Freitas

Tempotimor (Baukau) - Koordenadór projetu rezilénsia klimátika ba ema hotu world vizion Timor-Teste (WVTL) filiál Munisípiu Baukau, Mauricio Gusmão konsidera ema ho difisiénsia nia talentu A’as liu kompara ho ema kondisaun normál.

Tanba ne’e, World Vizion lansa formasaun kada suku iha Munisípiu Baukau atu akumula hanoin kreativu hodi bele hatene di'ak liu entre ema ho difisiénsia no ema kondisaun normál sira.

"Ambisaun ema ho difisiénsia ne'e A’as liu, du-ke ita ne'ebé la ho difisiénsia, ita ne'e soe tempu barak liu, ema ho difisiénsia talentu liu, nia espiritu dezenvolve kapasita nia-aan ne'e makas liu", dehan nia ba media sira iha salaun uma dame Baukau, tersa (09/11).

Nia hatete, durante programa World Vizion la'o iha Munisípiu Baukau, kapasíta ema ho difisiénsia la'os teórikamente de'it, maibé hanorin mós prátikamente ba sira tuir kondisaun ema ho difisiénsia nian oinsa bele kompete ho ema kondisaun normál.

"Ema ho difisiénsia mós dala ruma nia hanoin inovativu liu ita ne'ebé la ho difisiénsia", nia haktuir

Ema ho difisiénsia ativu liu iha prosesu multi taléntu, tanba dala barak ema ho difisiénsia mós bele reprezenta suku nia naran kompete iha nivél Munisípal no mós to'o nivél nasionál.

Iha fatin hanesan, project fasilitatór Ra'es Hadomi Timor Oan (RHTO), Eliza Maria da Costa hatete, dala barak ema ho difisiénsia hetan diskriminasaun husi maluk kondisaun di'ak sira.

"Dala barak sira dehan matan aat tilun diuk, maibé liu husi informasaun ne'e ajuda ita nia maluk sira ba futuru bele respeita mós ita nia maluk ema ho difisiénsia sira", katak Maria

Tanba ne’e, husu atu labele diskrimina malu, tanba iha difirente iha difisiénsia ho normál, maibé dala ruma mós iha matenek ne'ebé mak la hanesan. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« January 2022 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Tempo Timor Networks

Online Counter