Login to your account

Username *
Password *
Remember Me

MESSK Sei 'Kumpre' Orientasaun PM Taur ba Alokasaun OJE 2022 

Ministru Ensinu Superiór Siénsia no Kultura, Longuinhos dos Santos. Ministru Ensinu Superiór Siénsia no Kultura, Longuinhos dos Santos. Foto Suplay

Tempotimor (Dili)-Ministériu Ensinu Superiór Siénsia no Kultura (MESSK) deside sei kumpre orientasaun husi Primeiru Ministru (PM), Taur Matan Ruak, kona-ba tetu Orsamentu Jerál Estadu (OJE) tinan fiskál 2022.

"Ita laiha proposta adisionál tanba ita iha komprimentu disiplina husi hirarkemente liliu orientasaun husi sua exelénsia Primeiru Ministru (PM), ne'e orienta klaru, (orsamentu ne'ebé mak kuandu aprova ona husi konsellu ministru no husi Komisaun Revizaun Orsamentu Polítika (KROP) nian, orsamentu ida ne'e mak tenke lori mai Parlamentu, ne'e disiplina étika, ita uza para laiha adisionál”, dehan Ministru Ensinu Superiór Siénsia no Kultura, Longuinhos dos Santos,  hafoin finaliza audénsia públika ba OJE 2022 ho Komisaun G  iha Parlamentu Nasionál, sesta (05/11).

Tanba ne'e, Ministériu Ensinu Superiór Siénsia no Kultura laiha proposta adisionál nomós mai hala'o audénsia públika ho Komisaun G mós sira aprezenta orsamentu tuir saida mak aprova ona husi Konsellu Ministru no Komisaun Revizaun Orsamentu Polítika.

Enkuantu, programa ne'ebé MESSK fó prioridade iha tinan oin (2022) ne'e, ida mak Kultura patrimóniu, rua Boa governasaun no jestaun instituisionál, ikus liu mak Edukasaun no formasaun.

Purtantu, ba programa hirak ne'e, ministériu koloko orsamentu hamutuk millaun US$5,186,739.

"Ida ne'e ita koloka ba kategória 4 ne'ebé mak ita koloka ba kategória saláriu no vensimentu, bens no servisu, transferénsia públika, nomós kapitál no dezenvolvimentu”, esplika nia.

Enkuantu, ezekusaun orsamentu jerál estadu 2021 ba Ministériu Ensinu Superiór Siénsia no Kultura, dadaun ne'e ezekuta ona Millaun US$4,420.846 husi totál orsamentu millaun U$ 6,133.915, ne'ebé mak ninia pursentu atinje ona hitunulu-resin-hata (74%).

Aleinde ezekusaun ne'e sira ezekuta ba programa 4, ida mak promove agrikultura Timor-Leste nian, ba ensinu superior nian, programa boa governasaun nomos Komisaun Nasional United Nations Educational, Scientific and Cultural Organization (UNESCO) Timor-Leste. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« January 2022 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Tempo Timor Networks

Online Counter