"Aman ahi mahon ida ba ema Baukau hotu, e Timor hotu la'ós ba relijiaun Katólika de'it, maibé mós ba sarani relijiaun seluk", dehan Haji Hamat iha resintu katedral Baukau, kinta (04/11).

Tanba iha tinan 2003 to'o 2007 Timor-Leste laiha ai-hán liuhusi karta rekomendasaun ba povu Baukau tomak inklui povu islámiku matebian Dom Basílio mós  fó apoiu osan hodi halo negósiu sustenta moris.

Dom Basílio mós mahon ba ema hotu iha tempu prosesu luta laran, tanba iha tempu okupasaun nia salva povu islámiku husi forsa Indonézia sira nia liman.

"Ha'u sente lakon liu, tanba ha'u hanoin liu wainhira nia salva ha'u iha Indonézia nia tempu, momentu ne'eba ha’u sei idade 25 anos", konta nia.

Maske relijiaun seluk, maibé nafatin husu ba Padre ne'ebé troka Dom Basílio nia fatin atu kontinua de'it programa ne'ebé mak iha ona, nune'e lalika hamosu konflitu entre relijiaun. (*)