Login to your account

Username *
Password *
Remember Me

MEJD Sei Prioritiza Programa Tolu iha OJE 2022

Ministru Edukasaun Juventude no Desportu (MEJD), Armindo Maia. Ministru Edukasaun Juventude no Desportu (MEJD), Armindo Maia. Foto Suplay

Tempotimor (Dili)-Ministériu Edukasaun Juventude no Desportu (MEJD) sei tau prioridade ba programa importante tolu iha alokasaun Orsamentu Jerál Estadu (OJE) tinan fiskál 2022.

Ministru Edukasaun Juventude no Desportu (MEJD), Armindo Maia hatete, husi programa sira ne'e, dahuluk mak jestaun no boa governasaun, no edukasaun informasaun, inklui igualidade jéneru no inkluzaun.

"Buat sira ne'e hotu, e haree kona-ba nível ezekusaun orsamentál Ministériu Edukasaun Juventude no Desportu (MEJD) ninian, e depois mos haree kona-bá planu ba OJE 2022, ita atu halo saida, ho orsamentu ne'ebé ke ita iha tanba orsamentu bazeia ba programa”, dehan nia hafoin finaliza audénsia ba proposta OJE 2022 ho komisaun G iha PN, kinta (04/11).

Tuir loloos, OJE 2022 ne'e MEJD prioridade ba programa lima maibé Konsellu Ministru fó orientasaun atu halo redusaun, no la'ós ba MEJD de'it, maibé mós reduz programa husi ministériu hothotu.

"Orsamentu ba 2022, iha redusaun serka de 23 miloens, kompara ho OJE 2021, redusaun boot liu mak iha tranferensia públika, ba infraestrutura edukativa, ida ne'e mak pratikamente korta tiha”, esplika nia.

Mesmu nune'e, MEJD sei garantia hela tanba iha hela banku mundial ne’ebé apoiu hela projetu ba MEJD, ho orsamentu kuaze US$15,000.000, ne’ebé sei implementa hahú tinan 2021 to'o 2022, atubele responde ba nesesidade báziku.

"Tanba orientasaun husi Konsellu Ministru, ne'e la'ós iha Ministériu edukasaun de'it, iha mós transmensal ba ministériu hothotu, enves de programa barbarak, depois de haree buat ne'e, bele reduz ba programa lima, atividade kuaze numeru atu hanesan nafatin”, dehan nia.

Tanba ne'e, prezensa MEJD iha audénsia ba proposta OJE 2022 ho Komisaun G, diskute asuntu rua de'it, ida maka ezekusaun orsamentu 2021, ida fali mak planu ba OJE 2022.

Durante iha audénsia, komisaun G mos hato'o preokupasaun barak kona-bá situasaun edukasaun, preokupasaun ne'ebé ke lejítimu, atu haree situasaun no kondisaun eskola, infraestrutura edukativa ne'ebé ke barak presiza hadi'a, nomos profeór, rekursu umanu, kontratadu, voluntáriu, tanba sira mak na'in ba korikulu.

Enkuantu dadau ezekusaun OJE 2021, MEJD atinje ona 63%, nomós tentativa atu ezekuta transferénsia públika ba infraestrutura edukativa ho kapital menor atubele atinje to'o 80%, inklui mós saláriu vensimentu, bele atinje to'o 90%, antes  tinan 2021 remata. (*)



Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter