Print this page

PR Lú Olo: Labele Nega Apoiu Dom Basílio Nian ba Frente Armada

By October 30, 2021 1529
Dom Basilio do Nascimento Dom Basilio do Nascimento Foto Supply

Tempotimor (Dili)-Prezidente Repúblika (PR), Francisco Guterres ‘Lú Olo’ deklara, labele nega Amu Bispu Dom Basílio do Nascimento nia apoiu ba Frente Armada liuhusi dalan klandestina.

“Ha’u hakruk ba memória ema igreja nian, ne’ebé iha momentu difísil iha perkursu ita-nia luta ba libertasaun nasionál, hatene halibur irmãos no irmãs hotu-hotu, ho aten brani, luta ba ita-nia afirmasaun nu’udar povu no nasaun, iha Frente Armada, Klandestina no Diplomátika. Merese temi ho espesiál ba Dom Basílio do Nascimento nia apoiu ne’ebé labele nega ba Frente Armada, liuhusi dalan klandestina”, dehan PR Lú Olo liuhusi Komunikadu Imprensa ne'ebé www.tempotimor.com asesu, sábadu (30/10).

Iha komunikadu ne'e mós xefe estadu, lori estadu Timor-Leste nia naran no ninia an rasik hato’o sentidas kondolénsia ba Konferénsia Episkopal de Timor-Leste, Igreja Katólika, no família direta saudozu Reverendíssimu Bispu Basílio do Nascimento no kompatriotas, amigu hotu ne’ebé besik.

“Konferénsia Episkopal de Timor-Leste lakon nia membru ida no ita-nia paíz lakon patriota ida ho formasaun intelektuál eselente,” hatete Lú Olo.

Ho situasaun tristeza ne'e, Prezidente Repúblika (PR) Timor-Leste hato’o deskanse ho paz ba Amu Dom Basílio do Nascimento.

"Dom Basílio de Nascimento, ohin, iis kotu iha Ospital Nasionál Guido Valadares (ONGV) ho oras kardiovaskular.(*)

Rate this item
(0 votes)
Last modified on Sunday, 31 October 2021 13:30
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items