Print this page

Bispu Basílio Hakotu iis Tanba Sofre Moras Fuan 

By October 30, 2021 922
Bispo Dioseze Baukau Dom Basilio do Nascimento. Bispo Dioseze Baukau Dom Basilio do Nascimento. Foto Suplay

 

Tempotimor (Díli)-Diretór Hospital Nasionál Guidu Valadares (HNGV), Marcelino Corea hatete, Bispo Dioseze Baukau Dom Basilio do Nascimento hakotu iis tanba moras fuan ka (atakasaun Cardiovascolar).

"Amu Atakasaun Cardiovascolar (Atakasaun Fuan) nia mós uluk opera fuan nomós akompaña ho tensaun" dehan Marcelino bajornalista sira iha Mortuariu HNGV sábadu (30/10).

Tuir Kronolojia ne'ebé fó sai katak antes ne'e iha Suai ho kondisaun moras nune'e evakua ho aviaun Ministériu Saúde nian mai iha Hospital Nasionál hodi halo tratamentu.

"Horsehik ne'e nia moras iha Suai depois sira evakua ba Hospital ami ho moras tensaun, ne'ebé komunika mak iha ospitál horseik husi médiku nain rua husi ospitál , espesialista husi ICU Cardiolojio mak ba, to'o ba neba prepara hotu tiha kondisaun la di'ak nafatin, nune'e di'ak tiha oituan nia ko'alia hela, lori mai ho aviaun mai nafatin ho situasaun di'ak hela to'o tun tiha aviaun neba mak komesa de'it no shock maka'as loos no nafas mós para tiha sira lori halai liu mai Hospital ohin to'o bomba nia fuan to'o mai ICU nia responde labele e nia iis ikus iha HNGV”, dehan Marcelino.

Família matebian Recardina dos Reis hatete, sente lakon nia família nune'e mós hanesan sarani sente triste tebes.

"Ami família ho mos sarani katolika lakon ema di’ak ida, maibé naran ida Basílio ne’e ba ami família lakon totalmente Maibe naran ida Bispu nee ema hothotu ka sarani katolika tomak, ami família deit maibe ba sarani tomak Timor laran tomak nia Bispu laos ami família mesak maibé ita hotu nian”, afirma nia.

Tanba nee sempre triste maun alin lakon iha sorin nusa la triste, tanba nia moras la’ós toba iha fatin mak mate la’o didi’ak hela fó ordenasun ba amu na’in-rua iha Suai akontese ida nee ba nia.

Durante ne’e amu Bispu moras sofre korasaun, desde uluk nia seidauk mai Timor mós nia sofre ona moras ne’e, tanba nia korasaun ne’e korasaun falsu.

“Nia sei eskola iha rai liur nia akontese tiha ona, iha jogu futeboll ida mak nia ataka no langsun halo operasaun nia fuan troka kedas”, hatete nia.

Dom Basilio do Nascimento moris iha loron 14 Juñu 1950 maun alin hamutuk na’in-haat (4) feton na'in-rua no alin ida ho naran Filomeno, nia inan naran Teresa Nascimento no aman Vitor Nascimento. (*)

 

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items