Login to your account

Username *
Password *
Remember Me

Xefe Suku Leolima Husu Governu Prioritiza Fatin Istóriku Xanana Gusmão

Xefe Suku Leolima, Mariano de Almeida. Xefe Suku Leolima, Mariano de Almeida. Foto Suplay

Tempotimor (Díli)-Autoridade Lokál liliu Xefe Suku Leolima, Mariano de Almeida, husi Postu Administrativu Hatu-Hudo, Munisípiu Ainaru husu ba Governu atu tau prioridade ba Lagoa Bikantidin no fatin históriku Kay Rala Xanana Gusmão.

"Ha'u bele dehan suku ida ne'e nia potensialidade buat hothotu, ita haree liuba potensiál parte turizmu ninian mak iha ne'e Lagoa Bikantidin, iha levantamentu rezisténsia ninian parte norte ninian mak iha hotu hatene parte nasionál Kay Rala Xanana Gusmão, iha sentru mak Lagoa rua, Bonuboot ho Debuleu e eziste mós fatuk kuak ida naran Niki Ko'ak ne'e fatin istóriku Turizmu ninian maibé nia utilizasaun ladún másimu”, dehan Mariano ba www.tempotimor.com iha Aldeia Bonuk, Suku Leolima, sesta (30/10).

Tanba iha fatin sira ne'e dalabarak komunidade sira iha aldeia sira mak hakarak sai na'in ba fatin istóriku sira tanba ida ne'e mak Governu tenke tau demarkasaun ba fatin istóriku sira.

“Dalabarak mós ami komunidade sira mós hakarak sai fali na'in ba fatin istóriku sira, tanba ne'e ami husu ho haraik-an ba sira eselénsia atubele utiliza ka halo demarkasaun ba fatin sira ne'e para iha futuru ita bele hetan nia rendimentu ka nia industria husi fatin sira ne'e, la'ós kritika maibé fó hanoin ba Governu atu hadi'a ba futuru”, dehan nia.

Ministru Turizmu Komersiu no Industria (MTKI), José Lucas do Carmo hatan ba preokupasaun sira ne'e katak tempu badak sei hadi’a fatin istóriku sira liuhusi programa Mambae Coffee Trails.

"Kona-ba turizmu agora dadaun ita-nia vise Ministra Turizmu kulturál sira sei mai iha parte ita-nian mai iha ne'e iha programa ida hanaran Mambaer Coffee Trails, programa ida ne'e atu valoriza fatin istóriku sira ne'ebé sai fatin rezisténsia inklui mós ita-nia beleza sira”, dehan Ministru.

Programa Valoriza fatin Istóriku Rezisténsia ba rai klaran hanaran, Mambae Coffee Trails, no parte leste hanaran Jornada da Rezisténsia ne'ebé mak sei valoriza fatin istóriku sira iha rai laran.

Dadaun ne'e Ekipa programa Valoriza fatin Istóriku Rezisténsia sira la'o hela, tempu badak sei to'o iha komunidade nia leet. (*)

Rate this item
(1 Vote)
Last modified on Saturday, 30 October 2021 12:01
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« May 2022 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

Tempo Timor Networks

Online Counter