Login to your account

Username *
Password *
Remember Me

Autoridade Baukau Konvida Estudante Ba Rona Diskursu Tur iha Rai

Estudante husi Eskola Kafé Vila Antiga Baukau ne’ebé tur hela hodi rona diskursu iha salaun sentru konvensaun (CCB- sigla portugues) Baukau tersa (26/10). Estudante husi Eskola Kafé Vila Antiga Baukau ne’ebé tur hela hodi rona diskursu iha salaun sentru konvensaun (CCB- sigla portugues) Baukau tersa (26/10). Tomas Freitas

Tempotimor (Baukau)- Autoridade Muniípal Baukau liu husi komisaun organizadora konvida estudante husi Eskola Kafé Vila Antiga Baukau ba partisipa atividade selebrasaun aniversariu Munisípiu Baukau tuur iha rai hodi rona diskursu.

Profesóra Eskola Kafé Vila Antiga Baukau, Adriana Soares informa, koloka estudante na’in-31 mai partisipa serimonia ne’e, tanba hetan konvite husi komisaun organizadóra, maibé laiha kadeira ba estudante sira.

"Hau lori hau nia estudante mai atu partisipa seremonia ne'e, maibé hau nia estudante tuur iha rai hau sente triste oituan", nia dehan iha salaun sentru konvensaun (CCB- sigla portugues) Baukau tersa (26/10).

Nune'e, husu ba komisaun organizadóra bainhira realiza serimonia importante ruma, presiza iha preparasaun masimu, labele atende balun tur iha kadeira no balun tur iha rai.

"Hahalok hanesan la'os halo diskriminasaun, maibé la duun konsidera labarik ki'ik oan sira", dehan nia

Kestaun ne’e, Prezidente Komisaun Organizadóra, Augostino Euzebio Guterres rekoiñese katak, iha preparasaun ne'e la masimu, tanba prepara de'it kadeira bazeia ba konvite ne'ebé iha.

Nia afirma, konvite ne'ebé fahe ba konvidadus, hamutuk 200 no ba mós estudante sira, maibé ba reprezentante kada eskola ema ida ou rua de’it, la'os ba estudante ho númeru ne’ebé boot.

"Maibé Baukau ita hotu nian, entaun mai barak preparasaun kadera ba alin oan sira mak laiha, nune'e konvidadus sira ita haruka tu'ur, alin sira ho situasaun hanesan ne'e", nia esklarese

Naksalak ne’e, nia hodi komisaun organizadóra nia naran hato'o deskulpa ba entidades no mós ba estudante sira hotu. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« August 2022 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        

Tempo Timor Networks

Online Counter