FONGTIL Konsidera Delegasaun Aprezenta Dansa Kultura ‘Inventadu’ iha Expo-Dubai 

Diretór Ezekutivu Forum Organizasaun Naun Governamentál Timor-Leste (FONGTIL), Daniel do Carmo Santos. Diretór Ezekutivu Forum Organizasaun Naun Governamentál Timor-Leste (FONGTIL), Daniel do Carmo Santos. Foto Suplay

Tempotimor (Dili)-Diretór Ezekutivu Forum Organizasaun Naun Governamentál Timor-Leste (FONGTIL), Daniel do Carmo Santos konsidera, dansa ne'ebé delegasaun aprezenta iha Expo-Dubai dansa kultura inventadu, tanba la reprezenta dansa tradisionál ida husi Timor-Leste.

"Ha’u atu hatete de’it ba ita katak dansa ida haksoit tun sa’e iha Dubai ne'e parese sira Ministru na’in-7 ho sira dansa no delegasaun sira -nian, ne'e mak sira ba aprezenta, ne'e la reprezenta ita Timor. Ita halo hela eventu barabarak iha Timor ita nunka haree ita-nia avó, apa, ama no tia sira seidauk halo dansa hanesan sira halo iha Dubai”, dehan Daniel do Carmo Santos, iha edifisiu KAK, Farol, kinta (21/10).

Ho aprezentasaun kulturál iha expo Dubai, FONGTIL iha membru ne'ebe envolve servisu iha área  kultura Timor nian mak Timor furak no Leizevál, tanba ne’e Sei haruka karta ba parte kompetente atu eskkarese ba públiku.

"Ami iha tempu badak sei halo tan karta ida fó ba Sekretáriu Estadu Arte no Kultura (SEAK)  ho Grupu Santo Antonia atu halo klarifikasaun ba públiku kona-ba dansa ka tebe liliu atributu sira ne’ebé mak uza hanesan hatais, biti nakles sira tenke relata ba públiku, ne'e parte akuntabilidade, tanbasá mak sira halo ida ne'e?, ida ne'e ami sei halo, tanba ita sei la nonok ba buat hotu, buat ruma ne’ebé liga ho injustisa  NGO forum ninia papel mak atu kontrola”, dehan nia.

FONGTIL husu SEAK atu halo abertamenta ba públiku, dansa iha iha Dubai Timor nia la la’e?, bainhira la’ós Timor nia tenke prosesa.

"Sira labele halimar identidade ema Timor-nian, Timor ne'e atu ki'ik, beik, kiak ka atu aat mas hatudu ita-nia, labele naran ba halo mix tun sa’e para ba aprezenta iha eventu internasinál no  ba hatun ita-nia kredibilidade hanesan ema Timor”, deklara nia. (*)

 

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« December 2021 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    

Tempo Timor Networks

Online Counter