Print this page
Edukasaun & Kultura

Governu ‘La Liga’ Proposta EBF Vila Nova ba Hadi’a Kondisaun Eskola

By October 19, 2021 834
Kondisaun uma Eskola Baziku Filial (EBF) Vila Nova Baucau. Kondisaun uma Eskola Baziku Filial (EBF) Vila Nova Baucau. Foto Tempo Timor

Tempotimor (Baukau)-Governu liuhusi Ministériu Edukasaun Juventude no Desportu (MEJD) la liga proposta ne’ebé durante responsavel sira husi Eskola Bázika Filiál (EBF) Vila Nova Baucau diriji atu hadi’a kondisaun eskola.

Tanba, proposta refere diriji bei-beik ona ba MEJD, maibe to’o agora laiha resposta ruma husi governu.

Nune’e, Koordenadora EBF Vila Nova Baukau, Dulce Doutel Ximenes kontinua preokupa no konsidera oitavu governu seidauk susesu iha mandatu.

"Ita haree ba governu ne'e, sira ukun hanesan la berhasil, ninia keberhasilan ne’e la du'un iha, tanba tinan-tinan ita hato'o hela de'it mais la realiza ita sente tirste", Nia informa iha kna'ar fatin EBF Vila Nova Baukau, tersa (19/10).

Nia hatutan, problema ne'ebé dadaun eskola EBF Vila Nova Baukau  hasoru mak númeru estudante barak, maibé sala ba estudante la augenta, nune'e tenke fahe ba turma tolu.

Nune’e mós kondisaun plafon uma nian monu, kalen balun kuak hotu, entaun iha tempu udan susar tebes atu hala’o prosesu estudu. (*)

Rate this item
(0 votes)
Last modified on Wednesday, 20 October 2021 08:50
Tags
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items