Taur Husu Komunidade Kuida Fasilidade Públiku 

Primeiru Ministru (PM), Taur Matan Ruak, dada lia hela ho Komandante Jerál PNTL, Komisáriu Faustino da Costa. Primeiru Ministru (PM), Taur Matan Ruak, dada lia hela ho Komandante Jerál PNTL, Komisáriu Faustino da Costa. Foto Tempo Timor

Tempotimor (Dili)-Primeiru Ministru (PM), Taur Matan Ruak, apelu ba komunidade sira atu kuidadu fasilidade públiku liliu infraestrutura iha Timor-Leste laran.

"Ha'u-nia apelo ba inan aman sira joven sira Komúnidade hotu, tau matan mós ba ita-nia infraestrutura sira iha ita-nia rai, tanba ha'u haree ita-nia estrada ne'ebé ba munisípiu sira ne'e ita tau espellu para ema mai karik haree, karreta ne'ebé mai husi oin husi kotuk ita bele haree, maibé ema tuda rahun hotu”, dehan PM Taur bainhira Inaugura Postu Tránzitu PNTL ne'ebé oferese husi Emprezáriu Mahoka, iha Bairopite, kuarta (13/10).

Iha  jardim sira ne'ebé tau lampu no kadeira sira mós baku rahun hotu no husik tiha animal iha laran, tanba ne’e hatudu komunidade la'ós na’in ba dezenvolvimentu, nune'e mak nia estraga hotu sasán:

"Buat ida ne'ebé la'ós ita-nia ne'e tuda rahun sei saida oituan, maibé ida ita-nia mak ita tuda rahun ne'e, sentimentu na’in ba sasán ne'e seidauk iha, ne'e susar la halimar ba dezenvolvimentu iha ita-nia nasaun, ne'e ita hatudu katak ita la'ós na’in ba rai ida ne'e, no nain ba sasán sira ne'e”, dehan nia.

Tanba ne'e apelu ba inan aman, joven sira katak buat sira ne’ebé iha Timoroan mak na’in tanba ne'e kuidadu no hadomi ba hodi halo sidade iha Timor-Leste kapás no furak. (*)

Rate this item
(0 votes)
Last modified on Thursday, 14 October 2021 20:15
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« October 2021 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter