Taur Rejeita Sidadaun Simu Vasina Sei Mate 

Primeiru Ministru, Taur Matan Ruak, simu hela vasina, iha momentu balun liuba. Primeiru Ministru, Taur Matan Ruak, simu hela vasina, iha momentu balun liuba. Foto Suplay

Tempotimor (Ermera)-Primeiru Ministru (PM), Taur Matan Ruak, rejeita informasaun ne’ebé espalla hodi dehan sidadaun simu vasina sei mate, tanba iha nasaun ida laiha Governu ida mak hakarak oho nia povu.

"Labele rona ema ko'alia iha li'ur ne'ebá, ne'ebé fó komentáriu katak simu vasina sei mate, ne'e ha'u atu hatete katak ne'e bosok tanba ne'e husu ba inan aman sira keta fiar lia falsu sira ne'e iha li'ur ne'ebá”, dehan Taur bainhira halo kampaña vasina kontra Covid-19 iha Hatulia, tersa(12/10).

Tanba laiha ukun na’in-ida mak hakarak oho nia povu, nune'e husu ba inan aman sira atu hakbesik-an nafatin ba sentru saúde hodi simu vasina.

"Uluk iha tempu funu, Ermera mós úniku iha Timor, maibé tanbasá mak atu simu vasina hodi kontra pesti oan ne'e ita-boot sira la koopera, ne'ebé ho momentu ida hanesan ne'e hakarak husu nafatin ba komunidade sira iha Ermera atu hakbesik-an ba simu vasina iha sentru saúde ne'ebé besik nune'e bele hasa’e númeru vasinasaun ne'e, Governu laiha planu ou hanoin aat atu oho nia povu”, afirma nia.

Nune'e husu Ba komunidade sira tenke koopera malu ho gGvernu, tanba atu evita Covid-19 iha Timor-Leste dalan úniku mak sidadaun sira tenke simu vasina,  atubele hamate pandemia iha rai laran. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« December 2021 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    

Tempo Timor Networks

Online Counter