Login to your account

Username *
Password *
Remember Me

UNTL Presiza Nafatin Apoiu Husi WHO 

Reitór Universidade Nasionál Timor Lorosa'e (UNTL), João Soares Martins ho Reprezentante Timor-Leste  World Health Organization (WHO), Arvind Mathur asina hela akordu iha sala Vídeo Konferénsia Kampus Sentrál, tersa (12/10). Reitór Universidade Nasionál Timor Lorosa'e (UNTL), João Soares Martins ho Reprezentante Timor-Leste World Health Organization (WHO), Arvind Mathur asina hela akordu iha sala Vídeo Konferénsia Kampus Sentrál, tersa (12/10). Foto Tempo Timor

Tempotimor (Dili)-Reitór Universidade Nasionál Timor Lorosa'e (UNTL), João Soares Martins hatete, sira presiza nafatin apoiu husi World Health Organizasaun (WHO) ne'ebé durante ne'e sempre fó ba UNTL iha área oioin.

"Ami agradese barak tebes ba WHO bele kontinua nafatin suporta UNTL, servisu hamutuk tantu iha área ensinu nomós iha peskiza e WHO mós apoiu projetu peskiza lubuk ida”, dehan nia iha sala Vídeo konferénsia kampus sentral UNTL, tersa (12/10).

Husi apoiu ne’ebé iha hanesan peskiza boot ida tinan 2015 kona-ba fatór risku doensas não kontajioza ne'ebé mak UNTL halo, maibé finansiadu matérial husi Ministériu saúde ho WHO.

Nune'e rezultadu husi peskiza ne'e Governu lihusi Ministériu saúde utiliza hodi halo nia planeamemtu nomós servisu sira seluk.

"Ohin UNTL hamutuk ho WHO asina akordu entendementu, mesmu ke akordu ne'e foin asina ohin maibé servisu kolaborasaun entre UNTL ho WHO la'o kleur ona", afirma nia.

Akordu ne'e validu to'o tinan 5 hafoin halo estensaun tan no  iha ajenda barak UNTL sei husu nafatin apoiu husi organizasaun mundiál saúde atubele servisu ba oin iha área ensinu no peskiza.

"Durante ne'e WHO apoiu barak ona nune'e iha inisiu sira apoiu osan ho montante US$2.12 no kumputadór lubuk ida ba medisina jerál hodi apoiu iha prosesu amprendizazen", deklara nia.

Reprezentante Timor-Leste World Health Organization (WHO), Arvind Mathur hatete, WHO asina nota entendementu atu fó apoiu UNTL iha parte edukasaun nian liliu iha área medisina.

"Ami fó apoi UNTL mak hanesan apoiu tékniku no orsamentu balu, atu estabelese laboratóriu liliu ba estudante sira ne'ebé estuda iha área medisina, efermajen, parteira sira iha UNTL", dehan nia.

Selebrasaun akordu ne’e, seidauk define orsamentu ne'ebé apoiu, maibé bele dehan osan US$100.000 ne'e apoiu atu halo kooperasaun di'ak liu iha tinan 5 no ba tempu ne'ebé naruk sei kontinua nafatin. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« January 2022 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Tempo Timor Networks

Online Counter