"Ohin ita ofisiálmente hahú loke fali ita-nia escola ou reativa filafali ita-nia aula prezensiál no prosesu ensinu aprendisajen prezensiál, katak ita filafali ba eskola, hanesan baibain, iha munisípiu Dili”, dehan Armindo Maia, iha abertura ba reativa aula prezensiál, iha eskola 30 de agusto, Komoro, kuarta (06/10).
Maske Governu foin abertura ofisial ba retiva aula prezensiál maibé antes ne'e eskola balun hahú reativa ona tanba priense ona rekezitu.
"Ohin mak ita reativa hotu iha munisípiu Dili nia, tanba sira hotu priense ona rekezitu ne'ebé fó katak sira hotu simu vasina to’o 90%, maske iha profesór ida rua ne'ebé seidauk vasina”, dehan nia.
Nune'e husu ba mestre sira ne'ebé seidauk simu vasina, hakbesik-an ba simu vasina nune’e labele fó risku filafali ba estudante sira ka hadaet moras ba estudante sira. (*)