“Ha'u mós hakarak fó hanoin dala-ida tán ba señor Ministru Ensinu Superiór no Siénsia Kultura (MESSK) kona-bá sidade universitáriu Aileu. Iha problema ne'e, lahatene ita rezolve halo nusá mak to'o agora laiha klarifikasaun klaru”, dehan deputadu CNRT, Ricardo Baptista, iha plenária PN, tersa (05/10).

Tanba Governu haruka populasaun sira atu husik hela fatin nomós haruka sira ba loke konta bankária (rekening), iha banku atubele transfere osan bá sira, maibé realidade la akontese.

Ho ida ne'e husu atu buka solusaun ho lalais, tanba sistema ezekusaun orsamentu ba tinan 2021 besik atu taka.

“Lahatene problema ne'e oinsá. Sira ne'ebé loke ona rekening ne'e oinsá, e sira ne'ebé mak seidauk rezolve problema kona-ba (penbebasanlahan)  to'o agora seidauk ne'e oinsá”, nia dúvida.

Dadauk, komunidade iha Munisípiu Aileu, hein hela MESSK klarifika  prosesu atu solusiona komunidade sira-nia rai ne'ebé hetan risku husi konstrusaun edifísiu sidade universitáriu ne'e. (*)