Komisaun G  Presiza Identifika  Problema iha Edukasaun

Prezidente Parlamentu Nasionál (PN), Aniceto Longuinhos Guterres Lopes. Prezidente Parlamentu Nasionál (PN), Aniceto Longuinhos Guterres Lopes. Foto Suplay

Tempotimor (Dili)-Prezidente Parlamentu Nasionál (PN), Aniceto Longuinhos Guterres Lopes hatete, Komisaun G trata asuntu edukasaun, juventude, kultura no sidadania presiza identifika problema fukun iha seitór edukasaun.

“Relatóriu ne'e mai kuaze hanesan de'it, ne'e foin área edukasaun, e área sira-seluk ne'e mós parese ke situasaun kuaze hanesan. Ita tenke identifika problema fukun loloos ne'e”, deklara Aniceto iha plenária Parlamentu Nasionál, tersa (05/10).

Tuir loloos, nuu’dar fiskalizadór tenke buka maneira, buka solusaun ba seitór edukasaun ne'e halo nusá, osan mak la to'o ka, jestaun implementasaun mak laloos, ida ne'e presiza identifika hotu atubele buka solusaun ne'e halo nusá.

Tanba relatóriu fiskalizasaun ba munisípiu Aileu fulan-junu nian, ne'ebé komisaun G aprezenta iha plenária, la konsege tranforma fukun husi problema ne'ebé akontese ba eskoka sira iha área remota.

“Problema mak ida ne'e de'it no mesmu aban ita ba fali mós hanesan de'it nafatin, mais ita labele para iha ne'e de'it, ba halo fiskalizasaun vizita, mai halo relatóriu, identifika problema mak nafatin hanesan ne'e”, dehan nia.

Ho ida ne’e, hakarak soe hela preokupasaun ne'e ba komisaun espesializada sira iha parlamentu oinsá tau atensaun ba asuntu refere.

“Mais parese ke komisaun sira ita tenke halo reuniaun ida, meza komisaun halo reuniaun ketak ida ho meza Parlamentu, para ita atu haree efisénsia e efikásia fiskalizasaun ne'e halo nusa”, afirma nia.

Prezidente Komisaun G, deputadu António Verdial hatete, nia rasik uza nia estratezia nu’udar deputadu foun hodi hala'o atividade fiskalizasaun ba problema edukasaun.

Maske fiskalizasaun refere la kobre eskola sira iha teritóriu tomak, maibé sei esforsu atu hala'o fiskalizasaun molok termina nia mandatu.

Tanba, hanesan deputadu tomak haree durante edukasuan sai nafatin problema tanba menus orsamentu, planu estratéjia ne'ebé lakoresponde ho situasaun real, no rekursu umanu ka servisu iha área edukasaun, lakonpativel.

Tuir loloos tenke tau prioridade ba seitór edukasaun ne'e tanba hanesan área ne'ebé importante no xave ba dezenvolvimentu nasaun iha futuru.

“Ha'u atu hatete de'it, iha ha'u-nia mandatu, fiskalizasaun la'o nafatin e ha'u hatene ha'u sei la kobre teritóriu tomak maibé ida ne'e kna’ar reprezentante povu nian”, hatete nia.

Deputadu bankada PD, Adriano do Nacimento hatete, nia parte aseita ho esteitmentu prezidente PN atu buka mekanizmu no formatu ruma kona-bá prosesu fiskalizasaun ne'e.

Tanba solusaun ba preokupasaun sira ne'e loloos deputadu sira mak hola desizaun, tanba orsamentu ne'e PN mak aprova.

Maibé la'ós aprova orsamentu mak foin hakilar Governu, hafoin iha tempu diskusaun no aprovasaun orsamentu, deputadu sira laiha meiu no mekanizmu ruma.

“Ha'u hanoin ita-nia problema ne'e iha ne'e prezidente. Tanba ne'e ha’u propoin karik bele tékniku sira ajuda deputadu sira iha komisaun iha PN, hodi iha mekanizmu ruma bainhira kada komisaun tun ba halo fiskalizasaun”, dehan nia.

Bainhira identifika problema ne'e, tau iha formatu ida hafoin iha komisaun kada fulan 3 ka fulan 6 nia laran, tenke halo diskusaun ho Governu hodi halo monitorizasaun katak problema ne'e rezolve to'o iha ne'ebé ona.

Bainhira Governu la fó resposta durante fulan 6 nia laran, mak deputadu sira tenke buka atu konvense Governu iha momentu debate programa no orsamentu. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« December 2021 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    

Tempo Timor Networks

Online Counter