Print this page

Festa Kalan Ida, Multa $ 250.00 Featured

By August 23, 2019 4241
Seremonia governu nian remata ho dahur Seremonia governu nian remata ho dahur Foto especial
Tempotimor (Lequidoe) – Tinan haat ona, komunidade iha Munisípiu Aileu kesi sira-nia hakarak no hahalok liuhosi Tarabandu, labele halo festa. Bainhira obriga halo, sei hetan multa $ 250,00 kada festa kalan ida.
 
"Ami adota hela Tarabandu ba kustume festa iha Munisípiu Aileu. Tanba komunidade barak mak moris iha liña pobreza nia okos. Tarabandu ne'e aplika ba komunidade ne'ebé hela iha sub distritu haat, hanesan Laulara, Remexio, Aileu Vila inklui Postu Lequidoe,” hatete Adjuntu Administradór Postu Administrativu Lequidoe, Jose Vicente Vila Nova, Sesta (23/08/19).
 
Autoridade munisípiu ne'e hakle'an, bainhira fó livre ba komunidade halo festa, sei afeta ba moris komunidade ne'e rasik. Inklui mós afeta ba nia oan sira nia eskola. "Sei ita fó liberdade ba ema hotu halo festa, tansá mak ita la fó  ita nia oan sira ba eskola. Tanba ne'e, mak ita halo hela Tarabandu ida ne'e,” José dehan.
 
Nia esplika, se obriga halo festa kalan ida sei fó multa $ 250.00. Kategoria hanesan mós ba komunidade ne'ebé halo festa kore-metan ka kazamentu.Folin hanesan. Maibé, tuir José, depende mós ba festa na'in nia kbi'it.
 
Nia subliña, regulamentu Tarabandu ne'e Munisípiu Aileu adota kuaze tinan haat ona. Momentu halo lansamentu Tarabandu ba festa ne'e, eis Vise Ministru Estatal, Tomas do Rosario Cabral mak sai sasin.
Rate this item
(3 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items