"Bainhira hahú implemeta, mídia munisípal ne'e, ita la'o tuir nia dalan i ita la'o ho sistemátiku estrutura no la ses husi lei sira ne'ebé mak ita iha, e objetivu tatika mak ita hakarak kore-an husi dependénsia mídia nasionál”, dehan Mericio Juvinal iha otel Timor, sesta (01/10).
Maske nune'e, mídia nasionál nafatin halo nia kna’ar iha nível nasionál, maibé oinsá atu atividade munisípiu nia ne'e kombre direta husi mídia Munisípiu rasik no jornalista, hafoin kolabora malu ho mídia nasionál sira.
"Ita la'ós halo atividade ki’ik boot konvida mídia nasionál mak ba, sira iha sira-nia mídia rasik e sira iha sira-nia jornalista rasik, sira halo sira-nia kna’ar halo servisu depois sira halo kolaborasaun ho mídia nasionál, ida ne'e hamenus kustu no hamenus dependénsia ita-nia limitasaun rekursu ne'e ita bele rezolve”, informa nia.
Tanba sidadaun hothotu iha direitu ba informasaun, ne'e mak lori meius komunikasaun sosiál sira ne'e ba munisípiu atu atinje sira ne'ebé hela iha suku área rurál nune'e bele asesu informasaun.
Dadaun ne’e implemeta fazeadamente, tanba ne'e polítika Governu nia, ne'ebe sei hahú uluk ho munisípiu 4 hafoin sei la'o tan ho munisípiu seluk, nune'e iha tinan 2023 ne'e munisípiu hotu iha ona mídia Munisipál.
Administradór Munisípiu Manufahi, Arantes Isaac Sarmentu hatete, nia parte prontu nafatin atu apoiu no bele serbisu hamutuk ba programa ida ne'e.
"Ne'e parte ida importánte tebes hodi bele ajuda munisípiu Manufahi, tanba Manufahi presiza tebes mídia para bele ajuda atividade saida de'it mak munisípiu halo bele transmite ba komunidade sira nune'e komúnidade sira bele iha informasaun ne'ebé di'ak no klean nune'e bele kontribui ba dezenvolvimentu munisípiu ninia”, afirma nia. (*)