Lere: Saudozu Ma'Huno Ema Ida Revolusionáriu

Saudozu Ma’hunu Bulerek Karathayano. Saudozu Ma’hunu Bulerek Karathayano. Foto Suplay

Tempotimor (Dili)-Xefe Estadu Maio Falintil-Forsa Defeza Timor-Leste (F-FDTL), Tenente Jenerál Lere Anan Timur hatete, durante funu iha ai-laran, Saudozu José António da Costa "Ma’hunu Bulerek Karathayano" nu'udár ema ida revolusionáriu, tanba hakarak servi duni nia povu no nasaun sai independente.

"Ha'u haree, ha'u akompaña tinan barak iha ai-laran, tanba ami la'o hamutuk, ema ida ne'ebé dehan katak revolusaun. Nia revolusiona, muda kompletamente ninia karáter, ninia mentalidade nu'udár pequeno burges ne'e, e nia hakarak servi ninia rain, servi ninia povu, hakarak moris Independente", dehan Lere Anan Timur, iha Kuartel Jenerál, Fatuhada, segunda (27/09).

Sente tristeza boot ida, tanba kamarada di'ak ida, eroi boot ida lakon iha povu nia leet, maibé ida ne'e mak destinu.

La'os saudozu Ma'hunu de'it, maibé saudozu sira selseluk ne'ebé ohin loron la hamutuk hanesan de'it, no importante mak timoroan hotu tenke dignifika, fó onra nafatin ba nia.

 "Hanesan baibain ha'u dehan katak, ita mate dalan ida de'it, istória mak la hanesan. Saudozu Ma’huno nia istória la hanesan ida seluk nia istória. Hanesan mós ami sira ne'e ida-idak, ita hothotu, ita mate dalan ida de'it. Dalan mak ida ne'e destinu, Maromak bolu, maibé istória la hanesan", hatete nia.

Saudozu Ma’huno iha kolega di'ak nu'udár membru Comite Central Fretilin (CCF), primeira jerasaun ninian, Ma'hunu ho Xanana, ema ida ne'ebé nakonu duni ho nasionalízmu, patriotizmu, hadomi duni nia rai.

"Ami na'in moris, istória balu ne'ebé ami na'in-rua nia istória balu que halo ita hamnasa, istória balu que dala ruma halo ita triste, maibé istória ida ne'e, ha'u konta katak nia naruk la halimar, maibé, nia (Ma'hunu) kamarada ida ne'ebé que eroi tebtebes, matenek e hadomi ninia rain, ninia povu. Tenke sai ezemplu ba timoroan hothotu", haktenik Lere. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« December 2021 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    

Tempo Timor Networks

Online Counter