Horta Rekoiñese Servisu Jornalista Lori Timor ba Independénsia

Eis Prezidente Repúblika, José Ramos Horta. Eis Prezidente Repúblika, José Ramos Horta. Foto Suplay

Tempotimor (Dili)-Eis Prezidente Repúblika, José Ramos Horta rekoiñese servisu mídia sira importante iha prosesu luta ba independénsia tanba mundu rekoñese bele Timor-Leste liuhusi informasaun ne'ebé jornalista internasionál no nasionál kobre.

"Ita haree jornalista sira-nia prezensa iha tinan 1999 mak mundu hatene hodi apoiu ita hetan independénsia, tanba mídia sira-nia servisu no liafuan mak ita bele hatene problema infantil ki’ak iha mundu no seluk tan”, dehan nia bainhira partisipa iha serimónia lansamentu plaka rua liberdade imprensa iha rotunda Merkadu Lama, tersa (21/09).

Jornalista sira iha papél importante tebes iha pasadu tanba ho sira-nia prezensa mak konsege mobiliza opiniaun públiku atu povu Timor-Leste hili independénsia.

Durante funu tinan 24 jornalista internasionál mós barak mai iha Timor-Leste antes akontese 12 de Novembru 1991-1999, tanba ne'e liberdade imprensa importánte atu hakerek istória Timor-Leste.

"Akontesimentu barak mak mak akontese hodi rezulta povu barak mate, hanesan iha akontesimentu Kraras Munisípiu Vikeké, matebian no fatin seluk tan, maibé mundu la hatene tanba laiha jornalista sira atu fó sai informasaun ba rai li'ur”, hatete Horta.

Tanba, istória ida mak kontribuisaun Jornalista Max Stahl durante prosesu luta ba independénsia no oras ne'e hari’i tan Sentru Audivisuál hodi prezerva istória luta Timor-Leste nia durante okupasaun Indonézia.

"Ha'u mós hatete ba avo Kay Rala Xanana no Primeiru Ministru, Taur Matan Ruak, autoriza tiha ona atu lalais ofisializa akordu estatutu Maxtal ne'e sai instituisaun autonomu ida iha Gabinete PM nia okos”, deklara nia. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« December 2021 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    

Tempo Timor Networks

Online Counter