Aula Online, PN Preokupa Família Laiha Osan Sosa Telefone Android

Telefone selullar android.  Telefone selullar android. Foto Suplay

Tempotimor (Dili)-Komisaun G ne’ebé trata ba asuntu Edukasaun Juventude, Kultura no Sidadania, iha Parlamentu Nasionál (PN) preokupa família barak laiha osan ne'ebé sufisiente atu sosa telefon selular android hodi fasilita labarik sira tuir prosesu prendizajen liuhusi online.

“Wainhira Deputadu sira tun ba halo fiskalizasaun iha terrenu deputadu sira so haree no rona desvantajen husi aula online ne’e mak hanesan, família barak mak laiha kondisaun hodi sosa, telefone Android", dehan Prezidente Komisaun G, deputadu António Verdial iha PN, tersa (07/09).

Durante Governu halo suspensaun ba aula prezidensiá iha rai laran, komisaun G deside tun ba terrenu hodi hala’o fiskalizasaun ba eskolas sira atu haree no rona diretamente vantajen no desvantajen husi aula distánsia ka eskola ba uma.

Maibé família barak mak aprezenta katak balun laiha kondisaun atu sosa telefone android no laiha televizaun hodi akompaña aula, nune'e iha área remota laiha eletrisidade, profesór barak mak la hetan informasaun kona-ba aula online.

“Deputadu sira husi Komisaun G, marka audiénsia ho Ministru sira hodi fó hanoin atu muda estratejia atu ita-nia oan sira bele kontinua nafatin aula, mesmo ke Ia 100%, maibé aula dia sim dia ne'e, ou semana sim no semana ne'e atu nune’e ita-nia oan sira bele rai netik bukae ki'ik ida iha sira-nia bolsu no sira nia bolsu labele halo mamuk liu", dehan nia.

Tanba ne’e, husu ba Governu lilliu Ministériu Edukasaun atu haree ba asuntu desvantajen husi aula online ne’e, tanba to’o agora falla totál.

Bazeia ba Konstituisaun RDTL iha artigu 59 (Edukasaun no Kultura katak, Estadu rekoñese no garante ba sidadaun ida-idak direitu ba edukasaun ba kultura no iha obrigasaun atu kria sistema pablka ida ba ensinu báziku universal, obrigatóriu no konforme posibilidade ne’ebé iha, gratuita, tuir lei.
Nune’e ema hotu iha direitu atu hetan oportunidade hanesan ba ensinu no formasaun profesionál, Estadu rekoñese no fiskaliza ensinu privadu no kooperativa, Estadu tenke garante ba sidadaun hothotu, konforme posibilidade ne’ebé iha, asesu ba ensinu, investigasaun sientifika no kriasaun artistika nia grau sira aas Iiu.

Ho ida ne’e, MEJD presisa foti medida ida ne’ebé labele prejudika labarik sira, hakarak husu ba MEJD atubele klarifika tanbasá suspende hela de'it aula prezensiál no la buka meius atu labarik sira labele lakon diretu ba eskola. (*)

Rate this item
(0 votes)
Last modified on Tuesday, 07 September 2021 19:08
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« September 2021 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30      

Tempo Timor Networks

Online Counter