Login to your account

Username *
Password *
Remember Me

Dom Basilio Suspende Padre Martinho Gusmão Hala'o Atividade Uma Kreda

Karta ne’ebé fó sai husi Dioseze Baukau iha loron 30 fulan-agustu tinan 2021 katak, hetan asina tura husi Bispu Dioseze Baukau, Dom Basilio do Nacimento. Karta ne’ebé fó sai husi Dioseze Baukau iha loron 30 fulan-agustu tinan 2021 katak, hetan asina tura husi Bispu Dioseze Baukau, Dom Basilio do Nacimento. Foto Suplay

Tempotimor (Dili)-Bispu Dioseze Baukau, Dom Basilio do Nacimento, dekreta suspensaun Ministériu Saserdotál, hodi hapara provizóriu padre Martinho Germano da Silva Gusmão husi nia kna’ar hanesan amu lulik iha Kreda Katólika nian, hahú loron 20 fulan-agostu tinan 2021.

"Ha'u nu’udar Bispo Dioseze Baukau nian dekreta suspensaun ministériu saserdotál, katak, hahú loron 20 fulan- agostu tinan 2021 ba oin, padre Martinho Germano da Silva Gusmão hapara nia atividade sira hotu ne'ebé sakramentu orden haraik ba nia atu hala'o iha uma kreda”; dehan Dom Basilio liuhusi karta ne’ebé www.tempotimor.com asesu, tersa (31/08).

Tuir karta ne’ebé fó sai husi Dioseze Baukau iha loron 30 fulan-agustu tinan 2021 katak, Dioseze Baukau deside hodi dekreta supensaun ida ne'e tanba bazeia ba pedidu husi amu Martinho Germano da Silva Gusmão ne’ebé haruka ona ba nia Bispo Diocesano iha loron 25 janeiru 2020, kona-bá atu renúnsia ba nia Ministériu Saserdotál, katak hapara nia kna’ar nu’udar Nai Lulik.

Nune'e mós, iha loron 4 fulan-fevereiru tinan 2021, amu Martinho Germano da Silva Gusmão kontinua haruka tan pedidu (Surat) ida ba Santu Padre hodi husu nia demisaun estadu klerikál, katak husu atu la moris ona tuir estatutu Nai lulik nian.

Ho desizaun no vontade ne’ebé amu Martinho Germano deside, dadauk prosesu kanóniku la'o hela, maibe nu’udar Bispo Dioseze Baukau nian deside dekreta suspensaun ministériu saserdotál.

“Kona-ba demisaun estadu klerikal ne'e, katak padre Matinho la moris ona nu’udar nai lulik ne’ebé simu Sakramentu ordem, maibé Sé Apostólika, Amu Papa de'it mak sei demite Padre Martinho Germano da Silva Gusmão husí nia estadu Klerikal”, dehan Dom Basílio.

Tanba ne'e, Bispo Dioseze Baukau hakarak fó hatene ba membru Kreda Katólika nian Timor-Leste, durante tempu naruk ida ne’ebé Padre Martinho Germano da Silva Gusmão kuestiona, reflete, rona, reza no deside kona-ba nia vida no nia kna’ar nu’udar Nai Lulik Kreda Katólika nian, ho (consciência limpa no serena), mak nu’udar Bispo Dioseze Baukau nian dekreta suspensaun ministériu saserdotál. (*)

Rate this item
(2 votes)
Last modified on Wednesday, 01 September 2021 09:41
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« November 2022 »
Mon Tue Wed Thu Fri Sat Sun
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30        

Tempo Timor Networks

Online Counter