“Husu atu labele rona lia falsu ne’ebé lansa iha rede sosiál ka husi meius seluk, tanba públiku simu informasaun ladún sufisiente, ne’ebé lakohi hakbesik-an ba simu vasina,ho razaun katak simu vasina ne'e sei vida la naruk ou mate, ne'e kategória intensaun atu estraga ema ninia konsiénsia kona-ba Vasinasaun Covid-19”, dehan Ministru Francisco Martins, iha Sentru saúde Salau, Postu Administrativu Soibada, Munisípiu Manatuto, kinta (26/08).
Tanba ne’e, husu ba komunidade sira atu fiar de'it informasaun ne'ebé publikadu husi Governu, no MAPKomS rasik garante Komúnidade Soibada tenke simu vasina, tanba tuir sientista sira iha área saúde katak vasinasaun COVID-19 ne'e seguru tebes.
"Husu atu fiar de'it informasaun sira ne'ebé lansa husi Governu, no ha'u garante ba komunidade Soibada tenke simu vasina, se vasina mak halo ema mate, siknifika oras ne’e ema sira ne’ebé antes simu ne’e mate barak ona, maibé ne’e depende ba kondisaun saúde kada pesoál, laiha lideransa país ida mak iha hanoin atu oho fali nia povu, ne’e laiha lójika”, hatete nia.
Tanba sientifikamente mostra katak, vasina sira ne’e aprovadu, liuhusi proseseu naruk, teste iha laboratóriu, se la vasina mak ema ne’e rasik sei lori moras ba nia família, sosiedade no nasaun. (*)
