"Ok maun boot Xanana lansa monumentu ne'e di’ak hotu, ne'e hatudu ba juventude timoroan ne'e bele hatene katak, restu mortais 4 setembru 1999 nian mak monumentu agora halo dadauk ne'e”, dehan Xefe Suku Bekora, António da Silva Soares, ba www.tempotimor.com liuhusi telefone, domingu (22/08).
Ba planu konstrusaun movimentu iha Auhun ne'e tanba iha 4 setembru 1999, Auhun oan hamutuk na’in-sia mak mate inklui restu mortais dadauk entrega no rai ona iha Metinaru.
Tanba Auhunoan ne’ebé ema oho iha tinan 1975, no 1999, lakon to'o agora nia ruin mós la hetan, depois mai iha 83 mós na’in ida lakon tan.
Maske haree lansamentu ne'e kapaas teb-tebes maibé atu konta istoria lolos ne'e tanba Auhun ne'e uluk iha Indonézia nian tempu terus boot.
Tanba ne'e la problema kuandu Xanana hakarak halo sira-nia monumentu, maibé hanesan Ahhunoan, tenke esplika klaru ba Xanana, Para Xanana bele hatene.
"Mais la kleur ha’u sei konvida fali nia (Xanana) mai Auhun hodi konta istória hahú 1975 to'o 1999. Hafoin iha serimónia, ha’u tur hamutuk ho Xanana, ha’u ko’alia ona, depois ha’u sei ko’alia ninia estaf sira, para bele mai fali”, dehan nia.
Ho monementu 4 setembru 1999 ne'ebé Prezidente partidu CNRT Xanana Gusmão lansa iha Aldeia Auhun, Suku Bekora ne'e hanesan haluha fali Auhunoan sira ne’ebé mak mate iha tinan 1975-1983. (*)