“Ba faze daruak programa mediasaun sensível ba jéneru Planu Asaun Nasionál (PAN)1325 ne’e organizasaun UN-WOMEN apoiu hela ita rihun US$60 hodi halo preparasaun nomós ba atividade seluk”, dehan Sekretáriu Estadu Protesaun Sivíl (SEPS), Joaquim José dos Reis, iha Kaikoli, kinta (19/08).
Mediasaun sensível ba jéneru no PAN 1325 ne'e atu fó formasaun ba mediadór nasionál sira kona-ba prevensaun komflitu no hari’i pás sensível ba jéneru iha sosiedade.
Tanba iha komflitu sira ne'ebé mak akontese barak iha sosiedade, mediadór sira ne'ebé mak ativu liu no bele rezolve maka’as liu iha situasaun sira ne'e maioria mediadór feto hotu.
Ho ida ne'e, Governu reforsa nafatin atu mediadór sira bele rezolve nafatin no ativu nafatin komflitu sira iha sosiedade nia leet.
Orsamentu rihun- 60 atu transfere ba SEPS iha DNPKK ho montante naton, maibé foku ba programa mediasaun sensível ba jéneru no Dezenvolve Planu Asaun Nasionál (DPAN) 1325 no rezolusaun konsellu seguransa nasaun Unidas nian kona-ba feto pás no seguransa. (*)