“Ba Ainaro partikular orsamentu 2021 hamutuk iha eskola 16 ho sala aula 52 ida ne'e la inklui eskola Kafé espera katak tinan ida ne'e ita komesa book oituan ona”, dehan nia iha edifísiu Administrasaun Munisípiu Ainaro, tersa (17/08).

Tanba tinan 2021, iha territóriu laran tomak orsamentu Ministériu nian aplikasaun millaun 28, primeiru millaun 32 maibé tanba dezastre naturál iha 4 Abríl ko'a fali millaun 4.

Ho orsamentu ne'e atu hadi’a no hari’i eskola besik 102 ho sala besik 108 iha territóriu laran tomak ne'e ba tinan 2021 maibé prosesu la'o kleur tanba Covid-19. Dadaun ne’e prosesu balu iha ona aprozionamentu atu halo konkursu.

Planu Ministériu Edukasaun nia bainhira mandatu Governu remata se la konsege remata pursentu 100 maibé pelumenus pursentu 90 infraestrutura edukativa ne'e bele prense ona.

“Nune'e mós ba rekursu umanu kadavez ami vizita ba munisípiu sempre iha pergunta profesór la to'o entaun orsamentu ba 2021 ita iha vaga rekruta 975 profesór ne'ebé mak prosesu la'o dadaun ona, ita espera katak bainhira fulan-novembru ita bele remata ona prosesu”, informa nia.

 Maske númeru profesór ba munisípiu Ainaro seidauk klaru maibé ida ne'e atu responde ba profesór sira ne'ebé mak barak husi ona mundu (mate), profesór invalidu, tama ona reforma, sira ne'ebé muda ba fatin seluk ne'e 975 vaga.

“Maibé 2022 mós ita sei haree atu hatama tan vaga ha'u la hatene hira maibé ne'e orsamentu 2022”, afirma nia.

Koordenadór Eskola Bázika Filiál 1,2 Caicero, Gil Vicente husu Governu atu hadi,a  eskola ne'ebé aat no mós apoiu komputadór, biblioteka inklui aumenta profesór

“Ami presiza komputadór hodi halo relatóriu ou pontu ezame no ami presiza tan profesór tanba iha ne'e profesór balun kondisaun moras grave”, infoma nia. (*)