Login to your account

Username *
Password *
Remember Me

IBTL Husu Governu Fasilita Formasaun ba Kada Fakuldade

Xefe Casa Sivíl Prezidente Repúblika, Francisco Maria Vasconselho, ko'alia hela iha Institutu Boaventura Timor-Leste (IBTL), munisípiu Manufahi, segunda (16/08). Xefe Casa Sivíl Prezidente Repúblika, Francisco Maria Vasconselho, ko'alia hela iha Institutu Boaventura Timor-Leste (IBTL), munisípiu Manufahi, segunda (16/08). Foto Tempo Timor

Tempotimor (Manufahi)-Institutu Boaventura Timor Leste (IBTL) husu ba Governu atu fasilia formasaun ba institutu superior refere hodi prepara rekursu umanu kada fakuldade.

"Ami hakarak hato'o ba Governu katak, ami presiza tebes ita-bot sira-nia tulun ba área formasaun sira iha kada fakuldade ninian, oinsá hodi prepara rekursu umanu ba munisípiu ida ne'e nomós enjeral ba nasaun RDTL liliu ba dezenvolvimentu kosta súl ninian ne'ebé sai programa estratejiku ba estadu no Governu rasik", dehan Reprezentante Fundasaun Institutu Boaventura Timor-Leste, António Nunes Magno iha IBTL, segunda (16/08).

Xefe Casa Sivíl Prezidente Repúblika, Francisco Maria Vasconselho  hatete, nia simu ona preokupasaun husi Institutu Boaventura Timor-Leste (IBTL) no sei hato'o ba Prezidente Repúblika. 

"Ohin sira entrega ona karta mai ha'u ba Prezidente Repúblika, mais normalmente Prezidente Repúblika la halo servisu ne'ebé Governu nian maibé Prezidente Repúblika bainhira simu surat ruma husi instituisaun sira hanesan ne'e sei ko'alia ho Governu liuhusi enkontru regular ho Primeiru Ministru", dehan nia.

Ho proposta ne’ebé hato'o sei haree oinsá atubele trata no atende pedidu ho nesesidade sira hanesan ne'e prioridade.

IBTL ne’ebé foin kompleta tinan 4 ho fakuldade agrikultura, saúde, téknika, ekonomia maibé iha fakuldade rua mak hetan ona lisensa husi Ministériu no fakuldade rua seluk sei iha hela prosesu, kontinuasaun hein lisensa husi Ensinu Superior. (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« February 2023 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28          

Tempo Timor Networks

Online Counter