Koordenadora Eskola Báziku Filiál (EBF) 12 Outubru, Filomena Casmira hatete, fasilidade ne'ebé atu kombate Covid-19 iha EBF mak hanesan bee atu fase liman, hend sanitizer, ka dezifekta nomós aplika distansimentu sosiál ba estudante.
“Ami-nia sasán sira ne'e ami prepara hela mak Bee-moos, Hend Sanitizer, dezinfekta no distansiamentu”, dehan nia Filoman iha nia kna’ar fatin, Tasitolu, sábadu (14/08).
Maibé, prosesu preparasaun kona-ba atu realiza atividade aprendijazen ne'e, EBF la'ós mesak, tanba ninia Eskola Sentrál (EBC) ne'e iha, entaun fasilidade ida ne's eskola sentrál mak sei fasilita.
“Ezemplu hanesan sasán sira ne'ebé prepara ba atu prevensaun Covid-19, iha eskola ne'e prontu ona ka la’e, merese ona atu prepara ba oan sira atu komesa prosesu aprendijazen la'o ka la’e, ida ne'e ami-nia eskola sentral ho filiál serbisu hamutuk, di'ak tebes”, dehan nia.
Durante hala'o prosesu aprendijazen, parte EBF 12 Outubru mós simu orientasaun husi eskola sentrál atubele aplika turnu A no turnu B ba aula hirak ne'ebé ho númeru estudante to'o 50.
Nune'e, alunu ne'ebe fahe nia grupu A iha 25, no grupu B iha 25, atu nune'e kumpre no garante regra distansiamentu sosiál.
“Agora dadaun tanba distansia, primeiru aula hanesan tama tuku 8 to'o tuku 9:30 ne'e grupu A mak tama uluk ho ninia totál 25 alunu, depius orsida ida ne'e to'o oras ne'ebé termina, ne'e sai, grupu B tama filafalil. Entaun durante ne'e ami la'o duni iha distansia. Ne'ebé agora tama ne'e klase ida tama dala rua”, esplika nia.
Enkuantu, totál estudante iha Eskola Bázika Filiál 12 Otubru, hamutuk 1.766, ne'ebé kada loron ida bele dehan aula realiza dala-6, tanba utilizaun sala ne'e hamutuk 12. (*)