Tanba edukasaun sívika importante tebes hodi votante ida-idak hatene ho konxiénsia rasik vota ba partidu ida ne’e ka ida seluk.
“Tanba ne’e mak CNE, partidu polítiku no organizasaun sosiedade sivíl sira halo edukasaun sívika kona-ba prosesu eleitoral”, dehan nia iha Workshop Nasionál ho Evolusaun Demokrasia Timor-Leste, salaun CNE, kinta (12/08).
Ho edukasaun sívika ida ne’e tenke fó hanoin ba sidadaun sira atu hili partidu sira ne’ebé iha programa no estatutu di’ak, la’ós haree de’it ba líder ka personalidade ruma iha partidu.
Prezidente Komisaun Nasionál Eleisaun (CNE), Alcino Barris mós husu, Governu hasa'e frekuénsia edukasaun sívika tanba maioria eleitór barak seidauk komprende finalidade votu atu halo saida.
"Tanba ne'e ohin ami hato'o rekomendasaun ida mak, tenke hasa’e tan frekuénsia edukasaun sívika tanba CNE nia objetivu prinsipál katak, edukasaun sívika mak bele hasa'e sira-nia (komunidade) koñesimentu ba partisipasaun kualidade”, dehan nia:
Maibé rekomenda ba autór polítiku sira tenke bem organizadu, iha vizaun atu la bele hetan votu de'it husi eleitór sira, manán oportunidade maibé haree mós ninia dezvantajrn, ninia forma sira ba oin, bainhira menus preparadu tanba la kontribui.
"Sira rasik tenke bem preparadu, tenke ho vizaun planu ne'ebé di'ak atu konvense leitór sira katak, se ami hetan ida ne'e mak, ami prioritiza, boa governasaun mak ida ne'e, hanesan ne'e mak garantia mudansa ba rai ida ne'e”, haktenik nia.
Tanba tinan 5 de'it la uza votu ho didi'ak halo distinsaun tinan 5 o hela ho obstaklu todan boot. (*)