Husi apoiu ne’ebé fó husi UE no UNICEF hanesan projetór hamutuk limanulu-resin-rua (52) UPS limanulu-resin-rua (52) no flash Write limanulu-resin-rua (52), atu fasilita ensinu atividade kurrikular no tulun kria konsiénsia no prevensaun violénsia hasoru labarik no labarik feto sira.

Ministru Edukasaun Juventude no Desportu (MEJD), Armindo Maia, apresia UE no UNICEF nia apoiu ne'e tanba parseira ida ne'e oinsá atu eleva kualidade edukasaun iha hodi luta kontra violénsia hasoru feto no labarik sira.

“Lori MEJD nia naran hakarak hato'o ha'u-nia apresiasun boot ba UE no ba UNICEF ba apoiu tomak hodi hadi’a liután kualidade edukasaun iha TL no esforsu tomak ne'ebé direta no inderetamente hamutuk ho nasaun unidas hodi kombate violénsia hasoru feto no labarik feto sira hanesan prioridade ida ba Pais ida ne'e”, dehan Armindo Maia iha salaun, MEJD Vilaverde, kinta (12/08).

Ho apoiu ekipamentu ne'e ajuda tebes atu konpartilla rekursu esensiál sira ba estudante nomós manorin sira halo konsensializasaun estimula diskusaun sira no utimamente hapara ka pelumenu redus violénsia iha eskola sira ba uma laran no ba komunidade sira.

Reprezentante UE, Ramón Reigada, haksolok tebes ba programa ida ne'e tanba oinsá atu fasilita ensinu atividade kurrikular no tulun kria konsiénsia no prevensaun violensia hasoru labarik no labarik feto sira.

Reprezentante UNICEF, Emmanuelle Collet, mós agradese tanba bele oferese janela oportunidade importánte ida ne'e atu influénsia atetude no hahalok sira, atu asegura poezia joven hetan ambiente eskola nia ne'ebé livre husi violénsia no hetan ferramente empatia.

Entretantu MEJD liuhusi Diresaun Nasionál Lojistika sei garante materiál sira ne'e no sei fahe ba eskola selesionár sira iha Munisípiu hothotu. (*)