Login to your account

Username *
Password *
Remember Me

MEJD Hahú Reabilitasaun Infraestrutura Edukativu

Vise Ministru MEJD, António Guterres, ko'alia hela ho jornalista sira iha salaun Edukasaun Naun Formál, Vilaverde, kuarta (11/08). Vise Ministru MEJD, António Guterres, ko'alia hela ho jornalista sira iha salaun Edukasaun Naun Formál, Vilaverde, kuarta (11/08). Foto Tempo Timor

Tempotimor (Dili)-Ministeriu Edukasaun Juventude no Desportu (MEJD) liuhusi Diresaun Nasionál Infraestrutura Edukativu (DNIE) realiza Programa Konstrusaun no Reabilitasaun Infraestrutura Edukativu (PKRIE) ne'ebé hahú uluk iha Munisípiu Dili.

Vise Ministru MEJD, António Guterres hatete, programa konstrusaun reabilitasaun infraestrutura Edukativu ne'e konsebidu iha programa governu hodi hatan ba Timoroan sira-nia ezizénsia no halerik iha setór edukasaun liuhusi OJE 2021.

“Atividade prinsipál husi programa ida ne'e atu konstrui no reabilitasaun instalasaun infraestrutura edukativu iha teritóriu, tanba PKRIE ne'e planu anual ba MEJD nia bá 2021 iha obrigasaun implemeta konstrusaun infraestrutura ba eskola hamutuk 221 ne'ebé hetan ona aprovasaun husi PN, tanba ne'e tinan ida ne'e sei Implementa ba eskola 169, maibé implemente uluk iha Dili, ba eskola 16”, esplika António iha salaun Edukasaun Naun Formal, Vilaverde, kuarta (11/08).

Haree ba orsamentu ministériu Edukasaun iha tinan 2021 ne'ebé tama ba fundu transferénsia públiku atu halo reabilitasaun infraestrutura edukativu ne'e hamutuk millaun US$ 20 no projetu refere sei implementa iha fulan-setembru tinan 2021.

Diretór Infraestrutura Edukasaun, Helio Lopes esplika, projetu reabilitasaun infraestrutura ba eskola 169, iha nível nasionál hahú husi pre-eskolar to’o ensinu sekundária no tékniku vokasionál.

“Maske nune'e husi númeru eskola sira ne'e maioria ba ensinu báziku iha teritóriu nasionál ne'e nia númeru boot no kondiszaun infraestrutura mós aat mak barak”, dehan nia.

Tanba ne'e, projetu reabilitasaun eskola iha nível nasionál ne'e hanesan halo reabilitasaun konstrusaun sala aula, moru, biblioteka, aumenta sala edifisiu eskola nia, no sala ba profesór sira.

Maske nune’e iha tinan 2021 husi 221 eskola ne'e MEJD tenke kumpri no kompleta sala aula hamutuk 680, ne'ebé tau ona iha OJE 2021. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« February 2023 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28          

Tempo Timor Networks

Online Counter