Print this page

Estudante Barak Seidauk Hetan Subsídiu Pulsa husi Governu

By August 11, 2021 1991
Ministeriu Ensinu Superior Siénsia no Kultura (MESSK), Longuinos dos Santos, ko'alia hela ho jornalista sira iha Palásiu Governu, kuarta (11/08). Ministeriu Ensinu Superior Siénsia no Kultura (MESSK), Longuinos dos Santos, ko'alia hela ho jornalista sira iha Palásiu Governu, kuarta (11/08). Foto: Tempo Timor

Tempotimor (Dili)-Ministeriu Ensinu Superior Siénsia no Kultura (MESSK), Longuinos dos Santos hatete, kestaun estudante Ensinu Superior barak seiduak hetan pulsa telemovel ne'e tanba estudante sira la kompleta kritériu sira ne’ebé preparadu hodi rejistu iha universidade.

“Estudante barak mak la asesu ka la hetan ne'e iha pontu rua ne'ebé mak sira la kompleta, ida tanba sira-nia númeru ne'e la rejistu iha universidade relevante, no ida fali parese sira-nia númeru telefone ne'e blokeia ka taka ona”, esplika Ministru Longuinos iha Palásiu Governu, kuarta (11/08).

Tanba ne'e husu ba estudante sira ne'ebé la hetan pulsa bele informa ba universidade relevante hodi rejistu estudante sira-nia númeru telefone nune'e bele enkamina ba parte relevante.

“Kestaun ne'ebé dehan estudante barak mak la simu ne'e tenke relata ba universidade relevante depois rejistu númeru iha ne'ebá, hafoin enkamina ba MESSK, depois haruka fali ba ministériu finansa liliu ba medida orsamentu ne'ebé mak investe iha Covid-19 nia”, informa nia. (*)

Rate this item
(2 votes)
Last modified on Wednesday, 11 August 2021 17:29
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items