Print this page

Governu Presiza Fó Bolsu Estudu Ba Povu Ki’ik Nia-oan

By August 06, 2021 1495
 Palásiu Governu. Palásiu Governu. Foto Suplay

Tempotimor (Covalima)-Manuel de Jesus Pires, Koordenadór iha Suku Dato-Tolu, Postu Administrativu Fohorem, Munisípiu Covalima husu, ba governu atu fó bolsu estudu ba povu ki’ik nia-oan sira hodi kontinua estudu hanesan mós ho veteran nia-oan.

“Tanba foin dadauk ne'e Governu fó atensaun liu hodi fó bolsu estudu ba Veteranu nia-oan de'it”, dehan Manuel de Jesus, iha Suku Dato-Tolu, sesta (06/08).

Tanba ne'e husu Governu liliu parte relevante ne'ebé toma konta ba bolsu estudu nia ne'e katak fó atensaun mós ba povu ki’ik nune'e labele halo dezigualidade ba Timoroan hotu.

“Ami povu ki’ik nia-oan iha barak mak matenek, maibé governu la trata hanesan ho Veterau nia-oan sira”, dehan nia.

Tanba ne'e husu atu Governu bele trata sidadun Timoroan sira hanesan, hodi bele asesu edukasaun iha rai laran no rai liur. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items