“Liña internet ne’ebé mak atu fó apoiu ba ita-nia estudante EBC no ESG sira agora dadaun sei iha prosesu, ho ida ne’e ita sei hein kordenasaun husi ita-nia kompaña 3 ne’ebé mak atu oferese liña internet mai ita”, dehan nia iha salaun INFORDEPE, Balide, kinta (22/07).

Tanba kordenasaun ho Kompaña Telkomnikasaun iha Timor-Leste hanesan Timor Telecom, Telemor, no Telekomsel la’o dadaun atu oinsá bele oferese liña internet ba estudante sira.

Iha prosesu kordenasaun ne'e, governu sei fó apoiu ba kompaña telkomenikasaun ida atu oferese liña internet gratuita durante tinan ida ba estudante.

Maibé montante orsamentu ne'ebé governu aloka hodi apoiu Pulsa ba estudante sira ne’e, mai husi orsamentu raktifikativu ho valór tokon US$ 3,2.

Ho ida ne’e MEJD sei ezekuta ho di’ak atu nune’e fó apoiu pulsa internet ba estudante sira bazeia ba dadus ne’ebé MEJD rekolla, estudante hamutuk 21.551.

Ho programa ne’e hanoin iha fulan-jullu nia laran bele ezekuta, atu nune’e estudante sira bele asesu ba material online nian, maske kleur maibé sei nafatin realiza.

Iha fatin hanesan, Koordenadór Kurrikulum Nasionál (KN), Pedro Ribeiro Gonçalves informa, tinan 2020 MEJD lansa ona programa eskola ba uma ho ida ne’e prossesu aprendijazen ba dauluk iha Timor-Leste liuhusi televizaun no rádiu.

Haree ba kazu Covid-19 sa’e ba beibeik relasiona ho ida ne’e posibilidade MEJD sei suspende nafatin atividade prezensiál iha eskola no fatin ba funsionáriu iha tempu naruk, atu garante nafatin prosesu aprendijazen ho distánsia nomós disponivel durante iha tempu difísil. (*)