“Ami-nia avaliasaun ba akreditasaun ba kursu ne'ebé mak baibain ami temi akreditasaun programatika ne'e husi Jullu to’o Setembru, depois Setembru to’o Novembru ne'e ami akreditasaun instutisionál, portanto ba grupu primeiru husi Jullu to’o Setembru ne'e ami identifika ona no dadaun ne'e ami prepara hela kursu hamutuk 22 iha nível bacharelato, licensiatura, no nível masteradu”, esplika Edmundo Viegas, iha salaun Ian Martin, Balide, segunda (05/07).
Tanba iha primeiru semestre tinan 2021 husi fulan-Janeiru to’o Juñu ANAAA nia atividade prinsipál mak prepara hela hodi estabelese kontatu ho institutu Superiór sira no prepara kursu sira ne'ebé mak sei sujeita ba avaliasaun akreditasaun iha segundu trimester.
“Portanto avaliasaun akreditasaun lolos ne'e halao apartir de terseira semana do mes de Jullu ne'e. Ami preve hela lansamentu ne'e husi entre loron 19 to’o 23 Jullu ne'e, no lansamentu sei hahú iha fulan ida ne'e”, dehan nia.
Entretantu Kursu 22 ne'e husi instituisaun sira hanesan, Universidade Nasionál Timor Lorosa’e (UNTL), Universidade Orientál Timor Lorosae (UNITAL), Universidade da Paz (UNPAZ), Universidade Dili (UNDIL), Dili Institute of Technology (DIT), Universidade CRISTAL, Institute Of Business (IOB). (*)