Login to your account

Username *
Password *
Remember Me

INCT Fó Formasaun Ba Dosente Investigadór 36

Dosente sira hamutuk 36 ne'ebe tur hela hodi simu formasaun husi INCT iha Salaun IAN MARTIN, segunda (05/07). Dosente sira hamutuk 36 ne'ebe tur hela hodi simu formasaun husi INCT iha Salaun IAN MARTIN, segunda (05/07). Foto Tempo Timor

Tempotimor (Dili)-Instituto Nacionál da Ciência Tecnologia (INCT) fó formasaun hakerek proposta peskiza ba dosente investigadór hamutuk tolunolu-resin-neen (36) husi universidade sanolu-resin-ualu (18) iha Timor-Leste.

Prezidente Ezekutivu INCT, José Cornelio Guterres hatete, formasaun ba dosente sira atu promove koñesimentu no abilidade profisionál atu dezenvolve peskiza sientífiku no teknolojiku ho kualidade.

"Formasaun ne'e liliu hakerek proposta peskiza, e oinsá atu promove koñesimentu dosente sira-nia abilidade profisionál atu dezenvolve peskiza sientífiku no teknolojiku ho kualidade”, dehan José Cornelio Guterres, iha Salaun IAN MARTIN, Balide, segunda (05/07).

Dosente sira ne’ebé tuir formasaun mai husi universidade 18 no kada universidade haruka nia formandu na’in-rua hodi tuir formasaun refere.

Formasaun ne'e liga liuba área abilidade hakerek proposta peskiza, no formasaun ne’e fahe ba parte tolu, metodolojia peskiza, hakerek proposta peskiza no oinsá abilidade hakerek artigu ida ho di'ak

Iha fatin hanesan, dosente partisipante husi Universidade Dili (UNDIL), Atanasio Belo hatete, formasaun ne’e di'ak tebes no oportunidade di'ak ida ba dosente sira, hodi bele hasa’e koñesimentu kona-ba metodolojia peskiza no oinsá bele deskobre fenómenu natureza husi peskiza ne'e rasik.

"Ba ensinu superior sira tenke aproveita oportunidade ida hanesan ne'e ho di'ak, tanba peskiza sira hanesan ne'e ita la hetan iha fatifatin, nune'e ami agradese bele hetan oportunidade di'ak ida ne'e”, afirma nia.

Maibé rekomenda ba INCT atu formasaun hanesan ba dosente sira, presiza iha nia feedback nune'e dosente sira bele iha esperitu (semangat) ba peskiza.

Formasaun refere ho duransaun  sei hala’o durante loron lima (5) hahú husi loron 5 fulan-Jullu to’o loron 9 fulan-Jullu tinan 2021. (*)

 

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter