Print this page

Finalista UNTL 300 Sei Gradua iha Fulan-Novembru

Reitór Universidade Nasionál Timor Lorosae (UNTL), João Soares Martins. Reitór Universidade Nasionál Timor Lorosae (UNTL), João Soares Martins. Foto Suplay

Tempotimor (Dili)-Reitór Universidade Nasionál Timor Lorosae (UNTL), João Soares Martins informa, finalista sira iha UNTL hamutuk 300-resin sei gradua iha fulan-novembru tinan 2021.

“Tanba tinatinan UNTL gradua dalarua, nune'e faze primeiru liu ona, ba segunda faze ami sei prepara hela mais ou menus iha Novembru tanba normálmente iha dia de nataliz nia laran, no graduandu sira Por volta de 300 e tal mak sei gradua”, hatete João Martins, iha sala Auditória Liceu, sesta (02/07).

Ba graduandu UNTL sira ho totál 300-resin, sira ne'ebé tinan kotuk la konsege gradua, tanba iha situasaun balun ne'ebé la permite

“Graduandu UNTL sira faze segundu ne'e ba sira ida atu gradua iha tinan kotuk mak la konsege ne'e, tanba iha situasaun balun que la permite, nune'e sira gradua ba faze segundu nia, no totál graduandu UNTL ba tinan 2021 ne'e hamutuk 600 e tal, no 251 e tal mak gradua ona ba faze primeiru nia e hela trezentus e tal mak seidauk no sira ne'e rejistu ba faze segundu”, dehan nia.

Maske nune'e UNTL la taka dalan mós ba sira ne'ebé merese atu gradua tan iha tinan 2021 ne’e.

“Maske nune'e ba sira ida merese atu gradua iha tinan ida ne'e mós UNTL sei prepara ba sira-nia graduasaun, no ita la taka dalan ba sira”, deklara nia. (*)

 

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com