“Klaru ita garantia tanba nia esperiénsia di'ak,no nia ema Timor ne'ebé hasai Doutoramentu dahuluk iha Portugál, depois halo servisu iha UNTL liliu ba área peskiza, nune'e nia ema ida que vagazen forte intermus de peskiza pos-graduasaun”, hatete João S.Martins,iha sala Auditóriu Liceu, sesta (02/07).
Nune'e nia nomeia fali Afonso Almeida ba Vise-reitor asuntus pos-graduasaun no peskiza tanba iha servisu barak ne'ebe Saudozu gabriel de Sá husik hela.
“Kargu ne'e uluk Profesor Gabriel de Sá mak resposavel maibé foin to’o fulan ida, infelismente maromak bolu tiha nia,nune'e ita Nomeia fali Profesor Afonso, hodi bele kontinua servisu sira ne'e hotu”, dehan Reitór
Iha fatin hanesan, Vise-reitór foun, Afonso Almeida hatete, iha nia mandatu sei kontinua servisu anterior sira, no sei hadi’a liután parte publikasaun sira iha servisu peskiza pos-graduasaun nia
“Sei kontinua servisu anterior sira, e planu prioridade ne'ebé sei halo mak iha asaun tolu, oinsá mak ita reativa filafali kursus ne'ebé mak konzela tiha ona husi Ministériu Ensinu Superior,depois iha ligasaun ho kursus foun ne'ebé atu loke área administradu no doutoramentu,no kursus pos-graduasaun balun ne'ebé que iha kurta durasaun”, afirma nia.
Aleinde e'e hadia liután iha parte publikasaun, tanba servisu sira iha peskiza pos-graduasaun sira ne'e presiza publikasaun atubele internasionaliza ema peskizadór,no instituisaun nomós pais rasik. (*)
