"Hakarak fó sai mós ba ita-boot sira katak totál proposta ne'ebé mak submete mai iha FDCH nia email atu rai laran ka rai liur nian totál hamutuk 10.741 proponente estudante hirak ne'ebé mak submete mai dokumentu husi totál estudante 5.687 mak la konsege download no ekipa halo verifikasaun ba proposta individuál totál estudante 2029 mak la priense kriteria no dokumentu priense kriteria proponente hamutuk 3.025 no númeru maioria ne'ebé mak pasa mai husi universidade rai laran”, dehan Leila iha edifísiu númeru 5 1⁰ Andar Palásiu Governu, segunda (14/06).
Ba proposta ne’ebé submete maioria husi Estudante husi Universidade Nasionál Timor Lorosa'e (UNTL) totál hamutuk 600 resin ho universidade seluk husi rai laran inklui rai li'ur.
“Ita-boot sira ne'ebé mak passa la siknifika katak hetan ona aprovasaun, seidauk, tanba sei iha prosesu ida sei tuir mai tan, mak ne'ebé tuir mai tan mak primeiru, ami sei halo verifikasaun ho universidade, ami mós manda ona lista sira ne'e ba universidade no ekipa ne'e sei tun uluk ba universidade rai laran hodi simu dokumentu orijinál, verifika filafali seraké dokumentu sira ne'e los ka lae?. IPK valor hanesan ho universidade hasai ka lae?”, informa nia.
Tabela orsamentu mós iha nia tabela ne'ebé aprova husi konsellu administrasaun hahú iha tinan 2017 no tabela mós bazeia kustu de vida kada nasaun, Tanba iha ne'ebá deside ona katak iha rai laran subsídiu ba kada estudante iha nível lisensiatura US$500.00 ba nível mestradu US$750.00 no doutoramentu US$1.000.00
"Ba fali Indonézia nível lisensiatura US$750.00 nível masteradu US$1.250.00 nível doutoramentu US$1.500.00 ba Portugál, Brazíl, Japaun no seluk tan ita hahú husi nível lisensiatura US$3.000.00 nível masteradu US$3.500.00 e doutoramentu UD$4.000.00 no malázia nível lisensiatura US$2.000. masteraduUS$.500.00 no doutoramentu US$3.000.00 por kada individu”, dehan nia. (*)