Finalista UNTL 251 Simu Lisensiatura iha Uma

Finalista UNTL ne'ebe tuir hela graduasaun liuhusi plataforma virtual. Finalista UNTL ne'ebe tuir hela graduasaun liuhusi plataforma virtual. Foto Suplay

Tempotimr (Dili)-Finalista husi Universidade Nasional Timor-Leste (UNTL) hamutuk na’in-251 gradua hodi sai lisensiatura liuhusi plataforma virtual ka online iha uma, tersa (25/05/2021).

"Ha'u hakarak hato'o dala-ida tan katak, serimónia ne'e hanesa graduasaun dahuluk ba estudante sira ne'ebé mak hala'o liuhusi sitema online, tanba limitasaun hirak ne'ebé mak sai hanesan kauza husi pandemia covid-19 ne'ebé timor-leste no mundu, hasoru hela dadaun ne'e”, dehan Ministru Ensinu Superior Siénsia no Kultura (MESSK), Longuinhos dos Santos iha graduasaun virtual UNTL nian iha salaun UNFORDEPE Matadoru, tersa (25/05).

Graduasaun UNTL ba ba dala-24, mak Ministru fó parabéns ba graduadu sira, no agradese ba dosente, estrutura UNTL nian tomak tanba hetan solusaun alternativa ida ne'e hodi realiza serimónia graduasaun ba estudante finalista sira husi tinan 2021 ne'e.

Entretantu Reitór UNTL, João Soares Martins, husu ba estudante sira atu nafatin estuda no tempu ona atu buka emprégu ba-an rasik hodi servi komunidade no nasaun.

"Mensajen, loron ohin ne'e loron sira-nian. Loron para sira atu kontente, loron sira-nia susesu, sira merese duni atu selebra sira-nia loron ida importante atu haksolok iha loron ida ne'e, maibé keta haluha estuda nafatin”, afirma Reitór.

Entretantu Guaduada husi Fakuldade Medísina Siénsia Saúde, Nívia de Pina Sarmento, agradesimentu boot ba estrutura sira tomak UNTL nian, tanba dedika ona sira to'o termina estudu husi banku Universidade.

“Susesu ida ne'e, la'òs ami mesak, maibé frutu importante husi imi dosente sira hotu no loron ida ne'e mak ami hein duni durante tempu naruk nia laran, e ami agradese tebes ba apoiu dedikasaun morál husi família sira hotu nian, espesila ba ami nia inan aman sira”, hatete nia.

Graduadu hamutuk 251 ne'ebé tuir graduasaun virtual ne'e, mai husi fakuldade Medisína Siénsia no Saúde, Ekonómia ho Jestaun, Siénsia Sosiál, Enjeñéria Siénsia no Teknolójia, Edukasaun Arte no Umanidade. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« June 2021 »
Mon Tue Wed Thu Fri Sat Sun
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30        

Tempo Timor Networks

Online Counter