Maske governu halo esforsu hodi garante estudante sira kontinua eskola no estuda husi uma, maibé realidade mak sistema edukasaun seidauk preparadu hodi garante alunu sira iha teritóriu tomak asesu ba matéria no konteúdu aprendizájen liuhusi internet no televizaun.

 "Urjente tebes ba governu hanoin fila fali oinsá hadi’ak ita-nia sistema edukasaun no tempu ona hodi harii eskola ida moderna”, dehan PR Lu Olo liuhosi nia mensajen ba selebrasaun loron 20 Maiu, iha Palásiu Prezidensiál Bairu-pite, Kinta (20/5).

Xefe estadu ne’e mós dehan, profesór ka manorin sira mós la preparadu hodi uza teknolojia ne’ebé disponível hodi kontinua hanorin iha situasaun pandemia nia laran.

“Kondisaun atuál hodi forma profesór sira ho kapasidade atu uza teknolójia foun sira hodi prosesu aprendizájen ba ita-nia oan sira bele la'o ho kualidade di’ak ho kuríkulu ida atualizadu no adekuadu hodi prepara futuru nasaun nian ho garantia no sustentabilidade,” Katak Lu Olo.

Hodi hakotu, Prezidente Repúblika mós rekoñese katak, atu garantia kualidade edukasaun iha Timor-Leste presiza harii eskola ida ne’ebé modernu no tuir estandarizasaun mudansa teknolójia atuál.(*)