Arque Dioseze Suspende Missa Iha Vigararia Dili Durante Semana-Rua

Arcebispo Metropolitana Dom Virgílio do Carmo da Silva, SDB Arcebispo Metropolitana Dom Virgílio do Carmo da Silva, SDB Foto suplai

Tempotimor (Dili)-Arque Dioseze Meteopolitana Díli, iha loron sesta (30/04), deside suspende hikas atividade missa durante semana-rua iha vigararia Dili, tanba konfinamentu domisiliáriu jerál ne’ebé governu aplika ba Munisípiu Dili.

Tanba, Konsellu Ministru aprova ho alterasaun projetu Rezolusaun Governu nian ba impozisaun konfinamentu domisiliáriu jerál ba ema sira hotu ne’ebé mak hela ka oras ne’e daudaun iha hela Munisípiu Dili hahú loron 30 fulan-abril to’o 13 fulan-abril tinan 2021.

Bazea ba númeru covid-19 ne'ebé kada loron aumenta iha munisípiu Dili mak, Arcebispo Metropolitana Dom Virgílio do Carmo da Silva, SDB, foti disizaun hodi hapara hikas atividade Igreja liliu Misa.

Desizaun ne'e bazea ba, Estadu Emergénsia XIll (Cfr. Dec Governu nian N. 14/2021 loron 29 fulan Abril) no impozisaun konfinamentu domisiliariu geral ba populasaun iha Munisípiu Dili (Cfr. Res. n°. 45/2021 loron 29 fulan-abril), impozisaun serka Sanitária iha Munisípiu sira hanesan, Ainaro, Dili, Ermera no Manufahi. (Cfr Resolusaun n. 46, n. 49, n. 50, 53/2021 loron 29 fulan-abril.

"Ho ida ne’e, ha’u Komunika ba Paroku, Religiozu, Relijioza no Sarani sira hotu katak, Suspende selebrasaun Missa ba públiku no Sakramentu sira iha Vigararia iha Dili to'o loron ne'ebé konfinamentu obrigatoriu termina iha loron 13 fulan maio tinan 2021, horas 23:59 (Cir. Alinea 10 do Res. N 45/2021)", dehan Dom Virgílio liuhusi komunikadu impresnsa ne'ebé www tempotimor.com asesu, sesta (30/04).

Entretantu, Selebrasaun Missa no Sakramentu sira ba públiku la'o hanesan baibain iha Vigararia sire seluk hanesan Aileu, Ainaro, Ermera, Oe-Cusse no Same.

Durante fulan Rosário (més de Maio) iha Vigararia Dili, reza Tersu hala'o de'it iha família ida-idak no laiha Prosisaun sira no ba Vigararia sira seluk hala'o tuir tradisaun ne'ebé durante ne’e iha ona.

Antes ne’e, Ministru Prezidensia Konsellu Ministru, Fidélis Leite Magalhães, hafoin reiuniaun KM, kinta (29/04), hatete atividade relijioza sei bandu, tanba atividade ne’ebé halibur ema barak.

“Bandu atu hala’o atividade selebrasaun relijioza ne’ebé implika ezisténsia ema halibur-malu”, deklara Fidélis iha Palásiu Governu, kinta (29/04). (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« June 2021 »
Mon Tue Wed Thu Fri Sat Sun
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30        

Tempo Timor Networks

Online Counter