Ministru Ensinu Superior Siénsia no Kultura (MESSK), Longuinhos dos Santos mós simu ona pedidu husi estudante husi Fakuldade Siénsia Medisina Siensia no Saúde hakarak partisipa graduasaun virtual.
“Ha’u simu ona karta husi Reitór UNTL kona-ba pedidu estudante finalista 94 iha fakuldade medisina siénsia saúde ne’ebé hakarak atu hetan graduasaun virtuál. Iha tempu badak ha’u sei konvoka enkontru ida ho reitór atu haree hamutuk media ruma”, hatete nia iha PN, kuarta (28/04).
Maske, pedidu ne'e tama ona iha gabinete MESSK, maibé nia parte seidauk bele halo apresisaun, tanba presiza hein dadus seluk husi UNTL atubele halo verifikasaun dala ida de'it.
Enkuantu totál husi estudante finalista 94 ne’e mai husi fakuldade medisina siénsia saúde ne'ebe kompostu husi kursu medisina jerál, enfermajen no parteira iha UNTL. (*)