Ministru Ensinu Superior Siénsia no Kultura (MESSK), Longuinhos dos Santos informa, totál estudante foun tuir pedidu ne'ebé hato'o husi UNTL hamutuk ema rihun 4320 no husi Institutu Politéknika Betano (IPB), estudante hamutuk 300.
"Totál hamutuk ne'e, rejíme jerál no rejime espesial ne'ebé maka atu tama ba iha UNTL no IPB maka 4620," dehan Ministru Longuinhos dos Santos ko'alia asuntu ne'e hafoin partisipa iha serimónia pose ba Reitór foun UNTL, iha suku Hera, sesta (29/01).
Nia dehan, dadus ba estudante foun hirak nee, dadaun ne'e MESSK remata ona nia prosesu korresaun, no hein de'it atu lori ba aprezenta iha komisaun asesu ensinu superiòr nian.
"Depois ida-ne'e mak aprezenta mai ministru, para atu-bele halo omólogasaun, depois ita lista estudante, tantu rejime jerál no rejime espesial," dehan nia.
Entretantu, tuir MESSK nian, lista naran ba estudante foun hirak ne'e sei anúnsia iha inisíu fulan fevereiru ne'e.(*)