MEJD Sei Instala Tan Aula 91 iha Ermera

Ministru Edukasaun Juventude no Desportu (MEJD) Armindo Maia ko'alia hela ho jornalosta sira iha tempu balun ba kotuk. Ministru Edukasaun Juventude no Desportu (MEJD) Armindo Maia ko'alia hela ho jornalosta sira iha tempu balun ba kotuk. Foto Supply

Tempotimor (Gleno)-Ministru Edukasaun Juventude no Desportu (MEJD) Armindo Maia hatete iha tinan 2021, governu prevé ona orsamentu iha kapitál dezenvolvimentu hodi konstroi no reabilita ba sala-de-aula sira ne'ebé identifika ona.

Tuir Ministru Armindo, sala-de-aula ne'ebé dadaun ne'e governu identifika ona kuaze 800, maibé iha munisípiu Ermera de'it liu 91.

"Ba munisípiu Ermera de'it ita sei sei intala tan no hadi'a sala-de-aula hamutuk 91 ne'ebé la inklui kaza-de-bañu no sala ba profesores sira," dehan MEJD Armindo Maia iha salaun parókia Gleno, Kinta (19/11).

Ministru ne'e mós dehan, la'ós halo konstrusaun no reabilita de'it sala-de-aula iha munisípiu Ermera, maibé iha munisípiu hotu ne'ebé kuaze sala-de-aula 800.

"Aula sira ne'ebé atu halo instala foun no reabilita iha teritóriu Timor-Leste laran tomak liu 800 ne'ebé iha 2021 la konsege rezolve hotu iha 2022 bele kontinua tan," nia tenik.

Ministru mós oprimista katak bainhira remata nia mandatu iha governu daualu ne'e, tenke halo konstrusaun no reabilitasaun ba sala-de-aula rihun 1.500.

Entretantu, orasamentu ne'ebé prevé ba konstrusaun no reabilitasaun ba sala-de-aula aula sira iha teritóriu Timor-Leste laran tomak inklui munisípiu Ermera nian seidauk fixu tanba sei iha Parlamentu Nasionál (PN).

Alende ne'e tuir livru panorama ornamentál 2021 nian ne'ebé governu liuhusi Ministériu Edukasaun Juventude no Desportu (MEJD) hetan iha tokon $111.478,489 ne'ebé sei aloka ba Saláriu no Vensimentu (SV) tokon $61.628.121, Bens no Servisu (BS) tokon $16.650.131, Kapitál Menór (KM) tokon $2.995.700, Kapitál Dezenvolvimentu (KD) tokon $7.015.951 no Transferénsia Públika (TP) tokon $23.188.556.(*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« November 2020 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30            

Tempo Timor Networks