Hetan Xamada, SEAK Atualiza Informasaun ba PM Taur

Sekretariu Estadu Arte no Kultura (SEAK),Teofilo Caldas ko'alia hela ba media sira hafoin hasoru-malu ho Primeiru Ministru (PM), Taur Matan Ruak, iha palasiu governu, kinta (22/10). Sekretariu Estadu Arte no Kultura (SEAK),Teofilo Caldas ko'alia hela ba media sira hafoin hasoru-malu ho Primeiru Ministru (PM), Taur Matan Ruak, iha palasiu governu, kinta (22/10). Foto Tempo Timor

Tempotimor (Díli)-Sekretariu Estadu Arte no Kultura (SEAK) Teofilo Caldas hetan xamada husi gabineti Primeiru Ministru (PM), Taur Matan Ruak hodi mai halo mai relata kona-ba servisu ne'ebé dadaun hala'o.

Teofilo dehan, nia hasoru-malu ho PM Taur hodi koalia liu-liu kona-ba biblioteka, jardin kultural, muzeum nasionál no oinsa atu apoiu ba rekoperasaun ekonomia nian.

"Horseik hetan xamada husi gabineti Primeiru Ministru nian, emprinsipiu mai atualiza informasaun servisu Sekretariu Estadu Arte no Kultura, depois simu mos orientasaun husi Primeiru Ministru",dehan SEAK Teofilo Caldas, hafoin hasoru-malu ho Primeiru Ministru Taur Matan Ruak iha palasiu governu, kinta (22/10).

"Sekretariu Estadu Arte no Kultura mos partisia iha rekoperasaun ekonomia, depois ko'alia mos kona-ba preparasaun orsamentu 2021 nian, ida ne'e mak mai simu orientasaun husi Primeiru Ministru",Nia relata

Iha Sekretariu Estadu Arte no Kultura (SEAK), atu kontribui ba rekoperasaun ekonomia mak, biblioteka, sentru kultural, muzeum no ida seluk atu dezenvolve turizmu kultural, istoriku sira.

"Hanesan eis-prizaun aipelu, eis-rezidensia Administradór sira nian, ne'e ita dehan dezenvolve patrimoniu artitoniku origem portugues",Nia subliña

Tanba, fatin hirak ne'e istoriku, bele atrai turista ba vizita, entaun halo investimentu hodi rekopera ekonomia Timor-leste nian iha mediu no longu prazu.

Iha servisu seluk ne'ebé ohin relata ba Primeiru Ministru mak, Sekretariu Estadu Arte no Kultura mos kontribui hela ba festival kultura ne'ebé organiza husi gabineti Prezidente Repúblika, depois kontribui no kolabora ba komemorasaun 28 Novembru, ne'ebé halo hela preparasaun iha Likisa.

Preparasaun ba loron 28 Novembru, Sekretariu Estadu Arte no Kultura (SEAK) hamutuk ho Ministériu Admistrasaun Estatal (MAE) mos hola parte iha komisaun organizadora.

"Depois ko'alia mos kona-ba loron kultura nasionál ne'ebé sei realiza iha Munisípiu Lautem, iha tempu badak, hirak ne'e mak hau relata ba Primeiru Ministru",dehan Nia.

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« November 2020 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30            

Tempo Timor Networks