Hafoin remata audiénsia, Aida dehan, hasoru PR Lú-Olo tanba konsidera nu'udar aman no eroi TL nian.

"Halo audiénsia ho PR Lú-Olo, para iha liafuan balun ne'ebé la klaru karik atu hadi'a," dehan nia, iha Palásiu Prezidensiál Bairru-Pité, Kuarta (23/9).

Nia afirma, múzika ne'ebé artista seniór ne'e kria hodi valoriza eroi sira hamutuk 15.

"Muziku album rezisténsia ne'e ba eroi sira hanesan Xanana Gusmão, Ramos Horta, Lú-Olo, Lere Anan Timur, Taur Matan Ruak, Sebastião Rangel no seluk tan," nia dehan.

Múziku dame ne'e nia kombinasaun ho kultura modernu, depois iha muzika kona-ba 12 Novembru.

"Durante prosesu hakerek múziku 15 ne'e la to'o tinan ida, maibé hamutuk ho prosesu gravasaun han duransaun tempu hamutuk fulan haat nia laran, hela múzika ida mak seidauk grava," nia dehan.

Tuir nia, hafoin aprezenta múziku sira ne'e, PR Lú Olo mós kongratula Aida tanba valoriza eroi sira liuhusi múzika.

"Prezidente Repúblika apresia, tanba ha'u bele halo múziku kona-ba rezisténsia, depois nia dehan durante ne'e ko'alia polítika de'it, maibé la espresa liu husi múzika," katak nia.(*)