Login to your account

Username *
Password *
Remember Me

'Mahasiswa' Halo Protesta iha Edifisiu MESSK, Polisia Kaptura Membru AUTL 14

Membru AUTL ne'ebe manifesta kontra MESSK kaptura husi PNTL tula daudaun ba kareta atu lori ba eskuadra PNTL nian ida iha Dili (9/9) Membru AUTL ne'ebe manifesta kontra MESSK kaptura husi PNTL tula daudaun ba kareta atu lori ba eskuadra PNTL nian ida iha Dili (9/9) Foto Tempo Timor

Tempotimor (Dili)-Polisia Nasional Timor-Leste (PNTL) kaptura membru Aliansa Univesitáriu Timor-Leste (AUTL) na’in 14 ne’ebé hato’o protesta iha edifisiu Ministériu Ensinu Superior, Siensia no Kultura (MESSK), besik Portu Dili, Kuarta (09/09).

PNTL halo atuasaun ba membru AUTL hirak ne’e tanba tuir konkordansia sira-nia asaun hala’o de’it iha area kampus UNTL, Liceu.

Tuir observasaun jornalista www.tempotimor.com iha tuku 15:10, manifestante sira kuaze na'in 20 hahú hakbesik an ba edifísiu MESSK hodi hala'o asaun pasífika no husu Ministru Longuinhos atu rezigna an.

Iha sira-nia asaun protesta ne’ebé hala’o iha edifisiu MESSK, membru AUTL sira konsidera Ministru Longuinhos halo diskriminasaun ba estudante sira.

"Ami hakarak señor ministru rona ami-nia ejizensia, tanba estudante sira ne'ebé hala'o estudu iha rai laran ne'e mesak ai-leba, ain tanan no materestu nia oan de'it, tanba ne'e labele halo diskriminasaun, ami mós iha direitu," dehan manifestante ida, Alcino Moniz.

Hafoin liu minutu balun, PNTL to'o hodi husu AUTL atu sira fila ba fatin demostrasaun, maibé estudante hirak ne’e firme, nune'e PNTL kaptura estudante na'in 14, kompostu husi mane na'in 12 no feto na'in rua, hodi lori ba edifisiu PNTL Kaikoli.

Hafoin PNTL lori estudante sira ne'e, jornalista sira koko konfirma ho Ministru Longuinhos, maibé nia parte la fó komentáriu tanba okupadu.

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter