Print this page

Tama UNTL, Aumenta Kategoria Foun

By September 09, 2020 1722
Edifisiu UNTL iha Dili Edifisiu UNTL iha Dili Foto Suplai

Tempotimor (Dili) - Posibilidade Universidade Nasionál Timor Lorosa’e (UNTL) atu simu estudante foun sei aumenta. Governu liuhusi kooperasaun inter-ministeriál asina ona akordu atu aumenta rejime foun ida admisaun foun asesu ba UNTL.

Governu liuhusi Ministériu Ensinu Superiór Siénsia no Kultura (MESSK) hamutuk Ministériu Edukasaun Juventude no Desportu (MEJD), Ministériu Asuntu Kombatente Libertasaun Nasionál (MAKLN) no Ministériu Solidariedade Sosiál no Inkluzaun (MSSI), deside asina akordu Memorandum of Understanding (MoU) kona-ba oinsá bele servisu hamutuk atende estudante nivel sekundária ba superiór.

Serimónia asinatura akordu ne’e hala’o iha iha salaun INFORDEPE Vera Cruz, Tersa (8/9).

Hafoin serimónia ne’e, Ministru Ensinu Superiór Siénsia no Kultura (MESSK), Longuinhos dos Santos hatete, akordu memorandu de entendimentu ne'e importante hodi ajuda estudante finalista sekundária sira bainhira atu asesu ba ensinu superiór tenke tuir legalidade ezame nasionál.

"Estudante sira ne'ebé finalista husi ensinu sekundária jerál no tékniku vokasionál ne'ebé atu asesu ba ensinu superiór presiza notasinal no mós ezame nasionál", nia, iha salaun INFORDEPE.

Nia hatutan, aleinde asesu ba iha rejime espesiál liuliu ba veteranu sira-nia oan ne’e importante tebes, entaun presiza servisu hamutuk ho MAKLN kona-ba rejime espesiál ne’e.

Iha tinan ne’e kategoria foun ne'ebé MESSK aumenta maka kategoria ba kbiit laek ho hakbiit, ne'ebé presiza rekizitu hotu-hotu ne'ebé prienxe husi MSSI, tanba ne’e iha memorandu ne'e envolve mós MSSI.

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items