Portavoz AUTL, Moizes Soares Magno hatete, husi sira submete ona karta ida ba Sekjer PN hodi halo audiénsia kontinuasaun ho Prezidente Parlamentu Nasionál kona-ba propinas estudante rai laran nian.
Nia dehan, iha audiénsia anterior, Prezidente PN haruka AUTL atu klasifika no identifika estudante ensinu superior neebè mak laiha kapasidade finanseira iha rai laran, no ida nee sai nuudar dadus ida hodi aprezenta ba Prezidente PN atu bele konvida Ministru Ensinu Superior, Siensia no Kultura (MESSK) hodi bele responde situasaun refere.
Ne'e duni, nia dehan, daudaun nee sira mós preparadu ona atu aprezentea iha sorumutu entre AUTL sei koalia ho Prezidente PN, se posibilidade husu mós atu konvida MESSK tanba subsidiu ka propinas estudante ensinu superior rai laran ne'e tutela ba MESSK nia responsabilidade.
“Prezidente Parlamentu Nasionál haruka ami atu klasifika no identifika estudante ensinu superior iha rai laran, liu-liu sira neebè laiha kbiit ba finanseira hodi nunee ida nee sai hanesan dadus ida par aprezenta ba prezidente parlamentu nasionál no mós komisaun F, komisaun G, depois bele konvida governu atu rezolve,” katak nia.(*)